ismail demir blinkénning «s - 400» toghrisidiki sözlirige inkas qayturdi

türkiye mudapie sanaiti idarisi bashliqi ismail demir amérika qoshma ishtatliri tashqi ishlar ministiri antoni blinkénning «s – 400» toghrisidiki sözlirige inkas qayturdi.

1630515
ismail demir blinkénning «s - 400» toghrisidiki sözlirige inkas qayturdi

türkiye awazi radiyosi xewiri: türkiye mudapie sanaiti idarisi bashliqi ismail demir amérika qoshma ishtatliri tashqi ishlar ministiri antoni blinkénning «s – 400 sétiwélish amérikaning bixeterlikige xewp élip kélidu» dégen sözlirige jawab qayturup: «biz kéreklik tedbirlerni yolgha qoyimiz déduq, emma bu heqte héchqandaq diyalog ötküzülmidi. buningdin kéyin ötküzülüshini ümid qilimen» dédi.

ismail demir bir xususiy téléwiziye qanilining söhbet pirogrammisidiki sözliri esnasida, amérika tashqi ishlar ministiri antoni blinkénning «rus s – 400 hawa mudapie sistémiliri amérikaning bixeterlikige xewp élip kélidu. türkiye we pütkül amérika ittipaqdashlirining rusiye mudapie sistémiliridin yiraq turushi nahayiti muhim» dégen sözliri toghrisidimu toxtaldi.

türkiyening amérikaning bixeterlikige xewp yetküzüsh niyitining yoqluqini otturigha qoyghan demir: «biz qayta – qayta buni bizge izahlap béringlar, bizni qayil qilinglar, némidin endishe qilsanglar, biz ittipaqdashliq rohi ichide bir qedem tashlaymiz, déduq. men bir yighinida (amérika) dölet xewpsizlik kéngishining sabiq meslihetchisi jon boltongha <téxnikiliq jehette bizni qayil qilishinglar kérek, bizge buni chüshendürüsh mejburiyitinglar bar> dédim. u <toghra deysiz, silerge chüshendürüsh mejburiyitimiz bar, biz bu heqte chüshenche bérimiz> dédi. shu kündin béri chüshenche bérilishini kütüwatimiz» dégenlerni qeyt qildi.

u, antoni blinkénning teminlengen uchurlargha ishinip mushundaq dégen bolushining mumkinlkini eskertip: «emma biz bu uchurlarni yetküzgen kishilerning qanchilik semimiy ikenlikidin we qaysi paramétirlarni bilidighanliqidin endishe qilimiz. sözleshken chéghimizda <biz tégishlik tedbirlerni yolgha qoyimiz> déduq, emma, bu heqte héchqandaq diyalog ötküzülmidi. buningdin kéyin ötküzülüshini ümid qilimen» dégenlerni sözlirige ilawe qildi.


خەتكۈچ: #s-400 , #amérika , #türkiye

مۇناسىۋەتلىك خەۋەرلەر