erdoghan chawushoghlugha rehmet éytti

jumhur reis, qoshumche adalet we tereqqiyat partiyesi reisi rejep tayyip erdoghan, tashqi ishlar ministiri mewlüt chawushoghlugha rehmet éytti.

1625701
erdoghan chawushoghlugha rehmet éytti

türkiye awazi radiyosi xewiri: jumhur reis, qoshumche adalet we tereqqiyat partiyesi reisi rejep tayyip erdoghan, (türkiye jumhuriyiti) tashqi ishlar ministiri mewlüt chawushoghlugha girétsiye tashqi ishlar ministiri nikos déndias bilen ötküzgen muxbirlarni kütüwélish yighinidiki jawabliri seweblik rehmet éytti.

erdoghan partiyesining türkiye büyük millet mejlisidiki guruppa yighinidiki sözi jeryanida, ötken hepte paytext enqerede ziyarette bolghan girétsiye tashqi ishlar ministirining mensepdishi mewlüt chawushoghlu bilen ötküzgen muxbirlarni kütüwélish yighini toghrisida toxtilip: «tashqi ishlar ministirimizgha, girétsiye tashqi ishlar ministiri bilen ötküzgen uchrishishta bergen jawabliri üchünmu rehmet éytimen. qetiy boyun egmestin tik turushni dawamlashturimiz. bizning millitimiz boynida bundaq bir asaret zenjiri bilen yashaydighan millet emes» dédi.

mewlüt chawushoghlu nikos déndias bilen ötküzgen muxbirlarni kütüwélish yighinida: «biz bu tunji uchrishishning téximu ijabiy keypiyat ichide ötküzülüshini arzu qilattuq, biraq nikos dindias sözide — epsuski — dölitimge qetiy qobul qilinmaydighan töhmetlerni qildi. aldi bilen türkiyening girétsiyening igilik hoquqlirini depsende qilghanliqini éytti. buni qobul qilishimiz mumkin emes. türkiye jumhuriyiti öz qararlirini özi chiqiridu, shundaqla sherqiy aqdéngizda we qibris türklirining heqlirini qoghdashqimu qadirdur we tashlighan qedemlirimizmu heq – hoquqlirimizni qoghdashni nishan qilidu... bu yerge kélip, türkiyeni eyiblisingiz, menmu bulargha jawab qayturushqa mejbur bolup qalimen. uning üstige türkiyede biz, rim ortodoks az sanliqlirini rim ortodoks dep qobul qilimiz, emma siler <men türk> dégen türklerge <yaq, sen türk emes, peqet musulmansen> désenglar, bu ne insaniy emes, ne xelqara qanungha uyghun emes» dep jawab bergenidi.



مۇناسىۋەتلىك خەۋەرلەر