باش ئەلچى تانجۇ بىلگىچ تاشقى ئىشلار مىنىستىرلىقىنىڭ باياناتچىسى بولۇپ تەيىنلەندى

تۈركىيە ئاۋازى رادىيوسى خەۋىرى: تانجۇ بىلگىچتىن ئىلگىرى ھامى ئاقسوي تاشقى ئىشلار مىنىستىرلىقىنىڭ باياناتچىلىق ۋەزىپىسىنى ئۆتىمەكتە ئىدى.

تانجۇ بىلگىچ ئەنقەرە ئۇنىۋېرسىتېتى سىياسىي پەنلەر فاكۇلتېتىنى پۈتتۈرگەن ۋە 1995-يىلى تاشقى ئىشلار مىنىستىرلىكىدە خىزمەت باشلىغان ئىدى.

تۈركىيە تاشقى ئىشلار مىنىستىرلىقىدا ئوخشىمىغان قاتلاملاردا ۋەزىپە ئۆتىگەن تانجۇ بىلگىچ 2014-يىلىدىن 2016-يىلىغىچە تاشقى ئىشلار مىنىستىرلىقىنىڭ ئۇچۇر ئىشلىرى مۇئاۋىن دېرىكتورى ۋە مىنىستىرلىق باياناتچىسى بولۇپ ۋەزىپە ئۆتىگەن ئىدى.

تانجۇ بىلگىچ 2016-يىلىدىن 2021-يىللىرىغىچە بولغان ئارىلىقتا، تۈركىيەنىڭ بېلگرادتا تۇرۇشلۇق باش ئەلچىسى بولۇپ ۋەزىپە ئۆتىگەن ئىدى.

تانجۇ بىلگىچ ۋەزىپە ئۆتىگەن باشقا دۆلەتلەر  ئارىسىدا، بوسنىيە-گېرتسېگوۋىنا، دانىيە، فرانسىيە ۋە رۇسىيە قاتارلىق دۆلەتلەرمۇ بار.