تۈركىيە دېڭىز تەۋەلىكىگە قايتىشقا مەجبۇرلانغان 40 پاناھلانغۇچى قۇتقۇزۇۋېلىندى

تۈركىيە ئاۋازى رادىيوسى خەۋىرى: ئەگە دېڭىزىنىڭ ئايۋالىق تەۋەلىكىدىكى بىر كامېر كېمىدە پاناھلانغۇچىلارنىڭ بارلىقى ئۇچۇرىنى تاپشۇرۇپ ئالغان تۈركىيە دېڭىز قىرغىقى مۇداپىئەسى قوماندانلىقى خادىملىرى تېز سۈرئەتتە نەق مەيدانغا يېتىپ بېرىپ، مىدىللى ئارىلىغا ئۆتۈپ كېتىشكە ئۇرۇنۇۋاتقان ئەسنادا گىرېتسىيە دېڭىز قىرغىقى مۇداپىئەسى خادىملىرى تەرىپىدىن تۈركىيە تەرەپكە قايتىشقا مەجبۇرلانغانلىقى ئېنىقلانغان 34 پاناھلانغۇچىنى قۇتقۇزۇپ، جۇندا ئارىلىدىكى دېڭىز قىرغىقى مۇداپىئەسى قوماندانلىق مەركىزىگە ئېلىپ باردى.

بۇ جەرياندا دېڭىز قىرغىقى مۇداپىئەسى قوماندانلىقى خادىملىرى، مۇغلانىڭ مارمارىس ناھىيەسى تەۋەلىكىدىكى بىر قولۋاقتا تەرتىپسىز كۆچمەنلەرنىڭ بارلىقى توغرىسىدا ئۇچۇر تاپشۇرۇپ ئېلىپ، گىرېتسىيە دېڭىز قىرغىقى مۇداپىئەسى خادىملىرى تەرىپىدىن تۈركىيە تەرەپكە قايتىشقا مەجبۇرلانغان ئالتە كىشىنى قۇتقۇزۇپ ۋىلايەتلىك كۆچمەنلەر ئىدارىسىغا ئۆتكۈزۈپ بەردى.