tizimliktiki térrorchi ujuqturuldi, shéhitlerning qéni yerde qalmidi

ichki ishlar ministiri sulayman soylu diyarbakirda 5 puqra we 1 zhandarma xadimini shéhit qilghan hemde birsi üchün apélsin renglik tutush buyriqi chiqirilghan bölgünchi térorluq teshkilati p k k ezasi 2 térorchining ujuqturulghanliqini élan qildi.

1621921
tizimliktiki térrorchi ujuqturuldi, shéhitlerning qéni yerde qalmidi

türkiye awazi radiyosi xewiri: sulayman soylu tiwittér hésabidiki yazmisida, «shehidlirimiz xatirjem bolsun ... bir-birlep hésab sorilidu, aldinqi yili diyarbakirda derex késishke kétiwatqanda  p k k teripidin öltürülgen 5 puqramiz we 1 neper qehriman zhandarma xadimimiz mehmet chelikni shéhit qilghan hemde birsi üchün apélsin renglik tutush buyriqi chiqirilghan bölgünchi térorluq teshkilati p k k ezasi 2 térorchi ujuqturuldi. qehrimanlirimizning béleklirige küch - quwwet téleymen» dédi.

ichki ishlar ministirliqi élan qilghan bayanatta, «eren -2 shehid zhandarma xadimi sérzhant mehmet chelik herikiti» dairiside, diyarbakirning lije nahiyesige qarashliq arikli mehelliside diyarbakir zhandarma rayonluq qomandanliq ishtabi we zhandarma alahide heriket etretliri teripidin térrorchilargha zerbe bérish herikiti élip bérilghanliqi bildürüldi.   

herikette, 2020-yili 8- aprilda kulp nahiyesi gülech mehelliside 5 neper orman ishchisini öltürgen shundaqla  2021-yili 9- yanwarda yene shu yerde élip bérilghan yildirim -7 herikitide zhandarma sérzhanti mehmet chelikni shehid qilghan 2 térorchining ujuqturulghanliqi uqturuldi.

ujuqturulghan térrorchilardin birsining  apélsin renglik tutush buyriqi chiqirilghan  mexpiy ismiy «dara zagros» bolghan abdulsittar özer  ikenliki éniqlandi.

bayanatta, rayondiki heriketlerning dawamlishiwatqanliqi bildürüldi.



مۇناسىۋەتلىك خەۋەرلەر