altun amérikaning kishilik hoquq doklatigha naraziliq bildürdi

jumhur reislik mehkimisi uchur - alaqe ishliri idarisining bashliqi fahrettin altun amérika tashqi ishlar ministirliqining yilliq kishilik hoquq doklatidin orun alghan türkiyege munasiwetlik tenqidlerning heqiqetlerdin yiraq ikenlikini bildürdi.

1613348
altun amérikaning kishilik hoquq doklatigha naraziliq bildürdi

türkiye awazi radiyosi xewiri: altun, ammiwi ortaqlishish tor bétidiki sehipiside, ingliz tilida élan qilghan bayanatida, türkiyening kishilik hoquq mesilisini ichki siyaset mesilisi emes, eksiche yer shari xaraktérlik bir mesile dep qaraydighanliqini eskertish bilen bir waqitta, jumhur reis rejep tayyip erdoghanning rayondiki we dunyaning herqaysi jayliridiki kishilik hoquq depsendichiliklirige qarshi chiqiwatqan birdinbir rehber ikenlikini, türkiyening kishilik hoquq mesiliside eng közge körünerlik ilgirileshni adalet we tereqqiyat partiyesi hökümetliri dewrliride ishqa ashurghanliqini؛ amérika qoshma ishtatliri tashqi ishlar ministirliqining kishilik hoquq doklatining, türkiyege qarita naheq tenqidlerni öz ichige alidighanliqini, halbuki, türkiyening térrorizmgha qarshi küreshte kishilik hoquqqa sezgürlük bilen muamile qilip kéliwatqanliqini tekitlep mundaq dédi: «türkiye, bölgünchi térrorluq teshkilati p k k, fethullahchi térrorluq teshkilati we daésh qatarliq térrorluq teshkilatlirigha qarshi kürishini, bixeterlik we xelqimizning heq – hoquqliri we erkinlikliri otturisidiki tengpungluqni nezerde tutqan halda dawamlashturmaqta.»

térrorluq teshkilatlirini «erkinliklerning aldidiki eng chong tosalghu» dep atighan altun, mundaq dep körsetti: «türkiye, yawropa ittipaqi we amérika qoshma ishtatlirigha qarita diyalog ishiklirini herdaim keng éichiwetken bolup, hazirmu shundaq qilmaqta. lékin, erkinlikler bilen birlikte xelqimizning amanliqi we bixeterliki qizil siziqimizdur.»

u yene, amérika qoshma ishtatliri tashqi ishlar ministirliqining doklatidin orun alghan türkiyege qarita tenqidlerning heqiqetlerdin yiraq ikenlikini tekitlesh bilen bir waqitta, térrorizmgha qarshi küreshke we hökümetning xelqning bixeterlikini qoghdashqa qarita tirishchanliqlirigha qaritilghan naheq tenqidlerning étibargha élinmaydighanliqinimu sözlirige ilawe qildi.



مۇناسىۋەتلىك خەۋەرلەر