erdoghan suning ehmiyiti we insaniyetni kütüwatqan xewp toghrisida toxtaldi

türkiye awazi radiyosi xewiri: jumhur reis rejep tayyip erdoghan, suning pütkül janliqlargha oxshashla insaniyet üchün kem bolsa bolmaydighan bir német ikenlikini, peqet hayatimiz üchünla emes, iqtisadiy tereqqiyat we güllinish üchünmu suning intayin muhim amillarning bir ikenlikini eskertti.

jumhur reis erdoghan beshtepe millet qurultay we medeniyet merkizide chaqirilghan «1 – nöwetlik su shurasi (kéngishi) échilishi we 363 orunni kolléktip xizmetke kirishtürüsh murasimi» da söz qilip, dölet su ishliri idarisi teripidin qurulushi tamamlanghan 363 orunning xizmetke kirishtürülüshi bilen döletke 427 milyon lira payda yaritilghanliqini bildürdi.

suning pütkül janliqlargha oxshashla insaniyet üchün kem bolsa bolmaydighan bir német ikenlikini tekitligen erdoghan: «peqet hayatimiz üchünla emes, iqtisadiy tereqqiyat we güllinish üchünmu su intayin muhim amillarning biridur. bu éhtiyajni izchil qamdash üchün israpchiliqning aldining élinishi nahayiti muhim» dédi.

su qisliqi sewebidin 2025 – yilighiche dunya miqyasida 700 milyondin artuq ademning köchüshke mejbur bolush éhtimali barliqini otturigha qoyghan erdoghan, nopus bilen birlikte éship bériwatqan ashliq we énérgiye telipi, shundaqla kilimat özgirishining kelgüside téximu weyran qilghuch tesirlirining bolidighanliqini éytti.

türkiyede yéqinqi 19 yilda 600 i su ambiri bolup jemiy 8697 yéngi su qurulushi berpa qilinghanliqini bildürgen erdoghan, )jumhuriyet qurulghanliqining 100 – yili bolghan) 2023 kiche pütküzülidighan yer asti su ambarliri sanini 157 ge yetküzidighanliqlirini qeyt qildi.

u yene, türkiye büyük millet mejliside bir su qanuni chiqirish teyyarliqining qiliniwatqanliqini sözlirige ilawe qildi.