erdoghan istanbulda küntertiptiki soallargha jawab berdi

türkiye awazi radiyosi xewiri: türkiye jumhur reisi rejep tayyip erdoghan istanbulda muxbirlarning soallirigha jawab berdi.

u wuxen wirusigha qarshi waksina emlesh musapisi üstide toxtilip: «ümidimiz, may yaki iyun aylirida wirusning tügishi» dédi.

u xitay waksinaliri üstidimu toxtilip, kéyinki türküm waksinalarni tapshurushta kéchikish bolghanliqini we mesilining xitay terepke yetküzülgenlikini qeyt qildi.

u gérmaniyedin 1 milyon 400 ming waksinaning kelgenlikini eskertip: «gérmaniyedin jemiy 10 milyon waksina kélidu. rusiye bilen söhbitimiz dawamlishiwatidu we kiler ay waksina jehette rahetleymiz. bu musapide waksinani xelqimiz üchün ünümi yuqiri menbe süpitide körimiz. yerlik waksina tetqiqatimizmu dawamlishiwatidu» dédi.

u jenubiy qibris rum hakimiyitide yüz bergen jame hujumi toghrisida toxtaldi we: «nahayiti epsuski, rumla bu xil ishlarni pat-pat qilidu. bu hujumning yawropa ittipaqi yighini mezgilide yüz bérishi, ighwagerchiliktin barshqa nerse emes» dédi.

u türkiyening istanbul shertnamisidin chékingenliki toghrisida toxtilip: «jumhur reislik mehkimisi basqan qedem pütünley qanungha uyghun we bu qedem arqiliq yolini dawamlashturidu. biz qararimizni qilduq. shertnamige qandaq qétilghan bolsa, shundaq chiqip kétimiz» dédi.