türkiye bangladéshta 20 ming musapirni künige yémek – ichmek bilen teminleydu
türkiye hemkarliq we maslashturush idarisi bangladéshta koks baziridiki arakanliq musulman musapirlar turuwatqan musapirlar lagérigha ot ketkendin kéyin öy - makansiz qalghan texminen 20 ming kishini her küni 2 wax tamaq bilen teminleydu.
türkiye awazi radiyosi xewiri: rayondiki ashxanini qisqa waqit ichide rémunt qilip, burunqi halitige keltürgen türkiye hemkarliq we maslashturush idarisi, dunya yémek - ichmek pirogrammisi bilen birlikte 20 minggha yéqin musapirni her küni 2 wax tamaq bilen teminleydu.
bangladésh dairilirining issiq taam tarqitish xizmitining uda 15 kün dawamlishishi mölcherlenmekte.
bu jeryanda, türkiye hemkarliq we maslashturush idarisi, ot apitide talapetke uchrighan arakan musapirlirigha 24 saet mulazimet qilip, yémek - ichmek tarqitishni dawamlashturidu.
birma kishilik hoquq jemiyitining ijraiye mudiri kyaw win, bu heqte bergen bayanatida, 23-mart koks baziridiki baluxali musapirlar lagérida yüz bergen ot apitide 28 ademning qaza qilghanliqini, 40 tin artuq ademning yarilanghanliqini, texminen 15 ming panahlinish ornining weyran bolghanliqini uqturghanidi.
birleshken döletler teshkilati musapirlar aliy komissarliqining bangladéshta turushluq wekili johannis wan dér klaawmu, ot apitidin kéyin 400 adem bilen alaqe üzülüp qalghanliqini éytqanidi.
