shentop térrorizmgha qarshi küresh konféransigha sahibxaniliq qilidu

 türkiye awazi radiyosi xewiri: melumatlargha qarighanda, 24 – 25 – mart künliri antalyada chaqirilidighan konféransqa, afghanistan xelq mejlisining bashliqi mir rahhman rahmani, pakistan milliy mejlisining bashliqi esed qeyser, iraq awam palatasi dölet bixeterlik we mudapie ishliri komitétining mesuli muhemmed ridhe elheyder qatarliqlar biwasite؛  xitay xelq jumhuriyiti memliketlik xelq qurultiyi daimiy komitétining reisi li jenshu, iran islam meslihetchiler kéngishi tashqi ishlar komitétining reisi mojtaba zonori, rusiye dölet dumasi tashqi ishlar komitétining reisi léonid slutskiy qatarliqlar widéo konférans wasitisi arqiliq qatnishidiken.

iran islam meslihetchiler kéngishining reisi muhemmed baqir galibaf, konféransning échilishigha widéoluq télégramma yollaydiken.

türkiyege wakaliten, türkiye büyük millet mejlisi riyasetchilik heyiti ezaliri, daimiy komitétlarning reisliri we parlamént mejlislirining muawin reisliri, parlamént ezaliri birleshmiliridiki türkiye heyetlirining mesulliri, parlaméntlar ara dostluq guruppiliridiki türkiye heyetlirining mesulliri we parlamént ezaliri qatnishidighan konféransqa, türkiye büyük millet mejlisi bashliqi mustafa shentop hem riyasetchilik qilidiken, hemde konféransta échilish nutiqi sözleydiken.