soylu: girétsiye köchmenlerni ölüm girdabigha ittirdi

dölitimiz (türkiye jumhuriyiti) ichki ishlar ministiri süleyman soylu, girétsiye déngiz qirghiqi mudapiesi xadimlirining yette neper köchmenni ölüm girdabigha ittirgenlikini bildürdi.

1604612
soylu: girétsiye köchmenlerni ölüm girdabigha ittirdi

türkiye awazi radiyosi xewiri: dölitimiz (türkiye jumhuriyiti) ichki ishlar ministiri süleyman soylu, girétsiye déngiz qirghiqi mudapiesi xadimlirining yette neper köchmenni qollirigha plastik kelepche bilen baghlap kémisiz, qoghdinish kiyimisizla déngizda ölüm girdabigha ittirgenlikini bildürdi.

sputning xewirige qarighanda, ministir soylu ijtimaiy taratqudiki adrésida bayanat élan qilip: «, girétsiye déngiz qirghiqi mudapiesi xadimliri bügün kéche yette neper köchmenni urup, nerse – kéreklirini tartiwélip, qollirigha plastik kelepche sélip kémisiz, qoghdinish kiyimisizla déngizgha, ölüm girdabigha ittirdi. déngiz qirghiqi mudapiesi xadimlirimiz (türkiye waqti) saet 2 din 55 minut ötkende ikki köchmenni tirik qutquzuwaldi, birining jesitini süzüwaldi. yoqap ketken köchmenlerni izdesh xizmetliri dawamlashmaqta» dégenlerni qeyt qilghan.

ministir süleyman soylu, türkiye déngiz qirghiqi mudapiesi qomandanliqi xadimliri köchmenlerni qutquzuwatqan lehzilerge dair körünüshlernimu ortaqlashti.



مۇناسىۋەتلىك خەۋەرلەر