shentop yawropa parlaméntigha naraziliq bildürdi

türkiye büyük millet mejlisi bashliqi mustafa shentop yawropa parlaménti omumiy kéngishining qararigha naraziliq bildürdi.

1600607
shentop yawropa parlaméntigha naraziliq bildürdi

türkiye awazi radiyosi xewiri: shentop, ammiwi ortaqlishish tor bétidiki sehipiside, yawropa parlaménti omumiy kéngishida qobul qilinghan süriye kirizisige munasiwetlik qararda, türkiyege orun bérilgen asassiz dewalargha qattiq naraziliq bildürüp, mundaq dédi: «yawropa parlaméntining axirqi qararidiki dölitimizge qarita jahillarche, asassiz we yaman niyetlik dewalarni ret qilimiz.»

türkiyening, insaniy qimmet ölchemlirige sadaqet dairiside süriyedin türkiyege kelgen milyonlarche köchmenge yardem qolini sunuwatqanliqi we wijdan sadasi boluwatqanliqini eskertken shentop, türkiyening, térrorizmgha qarshi küresh qilishni dawamlashturush bilen bir waqitta, süriye kirizisige birleshken döletler teshkilati xewpsizlik kéngishining 2254 – nomurluq qararigha asasen siyasiy yollar arqiliq chare tépish tirishchanliqlirigha izchil hesse qoshidighanliqini tekitlidi.

yawropa parlaméntining bölgünchi térrorluq teshkilati p k k/y p g ning süriyelik puqralargha qaratqan hujumlirigha inkas qayturmasliqining tolimu epsuslinarliq ish ikenlikini qeyt qilghan shentop, mundaq dep körsetti: «yawropa parlaméntini, adettin tashqiri derijide keng qorsaqliq bilen 3.7 milyon süriyelikke ishiklirini achqan, shimaliy atlantik ehdi teshkilatining chégralirini qoghdawatqan, xelqara qanungha hörmet qilidighan türkiyening yénida bolushqa we süriyediki siyasiy basquchni qollashqa chaqirimiz.»



مۇناسىۋەتلىك خەۋەرلەر