чавушоғлу күнтәртип тоғрисидики соалларға җаваб бәрди

түркийә ташқи ишлар министири мәвлүт чавушоғлу мисир билән дипломатик сәвийәдә учришишларниң башланғанлиқини билдүрди.

1600050
чавушоғлу күнтәртип тоғрисидики соалларға җаваб бәрди

түркийә авази радийоси хәвири: ташқи ишлар министири мәвлүт чавушоғлу түркмәнистандин башлинип өзбекстан вә қирғизистан билән давамлашқан зийарәтлирини қатарда ахирлаштурди. у түркийәгә қайтиш сәпиридә, түркийә радийо-телевизийә идариси- т р т хәбәр қанилиниң ташқи хәвәрләр мудири өзҗан тикитниң күнтәртипкә мунасивәтлик соаллириға җаваб бәрди.

у түркийә билән мисир оттурисида дипломатик учришишларниң башланғанлиқини билдүрүп: «биздин йаки мисирлиқлардин һечқандақ алдинқи шәрт қойулмиди, оттурида һечқандақ шәрт йоқ. мисир билән һәм истихбарат һәмдә дипломатик сәвийәдә учришишлиримиз бар. алдимиздики күнләрдә дипломатлар сәвийәсидә вә истихбарат сәвийәсидә учришишлар болиду» деди.

у қатар пайтәхти доһада русийә ташқи ишлар министири сергей лавров вә қатар ташқи ишлар министири шәйх муһәммәд бин абдурраһман әлтани билән өткүзүлгән учришишлар тоғрисида тохталди.

у: «болупму, сүрийәдики инсаний вәзийәткә қарши қатарниң техиму конкрет қәдәмләрни бесишни халайдиғанлиқини көрдуқ. буни министирлар сәвийәсидә әмәлийләштүрүшни қарар қилдуқ» деди.

у америка билән болған учришишларда, «S-400» ләр тоғрисида гирит моделиниң күнтәртипкә кәлмигәнликини әскәртти.

у сәуди әрәбистанлиқ журналист җамал қашиқчи җинайитидин кейин, сәуди әрәбистан вә әрәб бирләшмә хәлипилики билән йирикләшкән мунасивәтләрниң иҗабий сигналлар нәтиҗисидә түзүлүшкә башлиғанлиқидин бешарәт бәрди.

у: «әбу зәбидин техиму иҗабий сигналларни аңлаватимиз, түркийәгә қаритилған сәлбий һәрикәтләрниң азайғанлиқини көрүватимиз. улар билән һечқандақ дәрдимиз йоқ, әмма уларниң бизгә болған позитсийәси сәлбий иди.  сәуди әрәбистан билән болған мунасивәтлиримизниң түзәлмәслики үчүн һечқандақ сәвәб боқ. иҗабий қәдәм ташлиса, бизму ташлаймиз. әрәб бирләшмә хәлипилики үчүнму охшаш» деди.

у афғанистанда, һөкүмәт билән талибан оттурисида башланған музакирәләр үстидә тохталғанда: «апрел ейида афғанистан тинчлиқ мусаписи йиғинини өткүзүшни пилан қиливатимиз» деди.

у хитай ташқи ишлар министири ваң йиниң район зийарити даирисидә түркийәгә келидиғанлиқи тоғрисида мәлумат берип: «25-мартта түркийәгә келишни халайдиғанлиқлирини ейтти. зийарәтниң күнтәртипидә, икки тәрәп мунасивәтлири, районлуқ мәсилиләр, асийа вә йавро-асийаға мунасивәтлик темилар бар. вухән вируси (Kovid-19) ға қарши туруштин күнтәртиптики барлиқ мәсилиләр музакирә қилиниду» деди.

у йавропа иттипақи кеңишиниң башлиқи чарлиз мишел (Charles Michel) билән түркийә-йавропа иттипақи мунасивәтлири тоғрисида һәл қилиш пилани үстидә хизмәт қилиш қарари елинғанлиқини хатирилитип: «биз уларға тәклипимизни әвәттуқ, улардин җаваб күтүватимиз» деди.

у ахирида, қибрис учришишлири тоғрисидиму тохталди вә: «музакирә башланса йавропа иттипақи көзәткүчи болиду» деди.



مۇناسىۋەتلىك خەۋەرلەر