aqar «xojali qirghinchiliqi» foto süret körgezmisini achti
dölet mudapie ministiri xulusi aqar «xojali qirghinchiliqi» ning 29 – yilliqi munasiwiti bilen foto süret körgezmisi échip, qetliam qurbanlirini xatirilidi.
türkiye awazi radiyosi xewiri: dölet mudapie ministiri xulusi aqar, bash ishtab bashliqi général yashar güler, quruqluq armiye qomandani général ümit dündar, déngiz armiyesi qomandani admiral adnan özbal we hawa armiyesi qomandani général hesen kuchukaqyuz qatarliqlar bilen birlikte, «xojali qirghinchiliqi» ning 29 – yilliqi, hemde 1992 – yilqi qetliamda ermenler teripidin qetl qilghan 613 ezerbeyjan puqrasini xatirilesh munasiwiti bilen, merkiziy armiye qomandanliq ishtabi teripidin teyyarlanghan foto süret körgezmisini achti.
ezerbeyjanning istanbulda turushluq bash konsulxanisining hemkarlishishi netijiside ötküzülgen körgezmini ékskursiye qilghan aqar we qomandanlar, foto süretler heqqide uchur igilidi.
ministir aqar, bu yerde qilghan sözide, mundaq dédi: «buningdin 29 yil ilgiri xojalida wehshilerche qetl qilghan ezerbeyjanliq qérindashlirimizni yad étimen, biz ezerbeyjan türkliri qérindashlirimizning derd - elemlirini qelbimizde dawamliq hés qilimiz. biz bu qirghinchiliqni untup qalmiduq, buningdin kéyinmu untup qalmaymiz, jümlidin biz ötmüshni esla untup qalmaymiz, emma biz kelgüsige nezer salimiz, xojalida shéhit qilinghan barliq qérindashlirimizgha allah taaladin rehmt tileymiz.»
مۇناسىۋەتلىك خەۋەرلەر
türkiye-girétsiye ishench turghuzush yighini atinada échildi
türkiye-girétsiye ishench turghuzush tedbirliri yighini atina (afina)da ötküzüldi.