erdoghan: türkiyeni yadro énérgiyesige ige döletler qatarigha qoshimiz

türkiye jumhur reisi rejep tayyip erdoghan: «jumhuriyitimizning 100-yilida türkiyeni yadro énérgiyesige ige döletler qatarigha qoshimiz» dédi.

1598834
erdoghan: türkiyeni yadro énérgiyesige ige döletler qatarigha qoshimiz
erdogan putin.jpg

türkiye awazi radiyosi xewiri: türkiye jumhur reisi rejep tayyip erdoghan bilen rusiye pirézidénti wladimir putin, «aqquyu yadro énérgiyesi éléktir istansisining üchinchi tarmaq guruppisigha uyul qoyush murasimi» gha sinliq shekilde qatnashti.

jumhur reis rejep tayyip erdoghan: «milliy énérgiye ul-eslihemizge yadro küchini qoshush qarari, énérgiye teminlesh bixeterlikige qarita basqan istratégiyelik qedemdur. nishanimiz énérgiye ishlepchiqarghanda, kéreksiz gaz chiqirish nisbitini nölge chüshürgen halda we muhitqa héchqandaq ziyan salmaydighan yadro énérgiyesini dölitimizning énérgiye siwitige sélishtur» dédi.

u türkiyening hazirqi éléktir énérgiye quwwitining ichidiki yerlik we qayta paydilanghili bolidighan énérgiye nisbitining %63.7 sewiyesige yetkenlikini eskertip: «qara déngizdiki 405 milyard kub métirliq tebiiy gaz zapisi, musteqil énérgiye we küchlük türkiye iradimizning eng muhim qedemliri boldi. jumhuriyitimizning 100-yilida türkiyeni yadro éléktir énérgiyesige ige döletler qatarigha qoshimiz. aqquyu yadro éléktir  istansisi eng ilghar bixeterlik téxnikilirigha ige we xelqara atom énérgiyesi agéntliqining ölchemlirige uyghun.  yilliqi 35 milyard kilowat saet éléktir ishlepchiqiridu we texminen türkiyening %10 lik éksportini qamdaydu» dédi.

u yene, bu yil (2021) türkiyening sehiye ul-eslihesi sayisida shekillendürgen bixeter sayahet éngi bilen, rusiyelik sayahetchilerni kütüwélishqa teyyar ikenlikini bildürdi.

rusiye pirézidénti wladimir putin: «ortaq layihemiz bolghan aqquyu yadro éléktir istansisida yéngi dewr bashlinidu. layihening emeliylishishi, türkiyening énérgye bixeterlikige muhim hesse qoshidu we iqtisadini téximu küchlendüridu. aqquyu yadro éléktir istansisi layiheside, bixeterlik tedbirliri eng qattiq ijra qilindi. layhening muhit dosti bolushi üchün qolimizdin kelgen tirishchanliqlarni körsitiwatimiz» dédi.   



مۇناسىۋەتلىك خەۋەرلەر