hulusi akar ruméniye dölet mudapie ministiri bilen körüshti

türkiye awazi radiyosi xewiri: ruméniye dölet mudapie ministiri nikolay yunél chiyuka türkiye dölet mudapie ministiri hulusi akarni herbiy murasim bilen kütüwaldi. ikki ministir murasimdin kéyin ayrim körüshti, arqidin heyetler ara uchrishish ötküzüldi.

körüshüshlerde, ikki terep munasiwetliri we rayonluq xewpsizlik mesililiri bilen mudapie sanaitidiki hemkarliq ornitish imkaniyetliri muzakire qilindi.

ministir hulusi akar körsitilgen méhmandostluq üchün teshekkür éytip, ruméniyening muhim ittipaqdash dölet ikenlikini we ikki döletning nurghun qétim nato künlüki astida birlikte wezipe ötigenlikini qeyt qildi.

u herbiy telim-terbiye we özara hemkarliq saheliride bésilidighan muhim qedemlerning barliqini bildürüp, qara déngizning tinchliq déngizi bolup turushining ehmiyitini tekitlidi.

u türkiyening ruméniyede turushluq elchixanisinimu ziyaret qildi we elchixanining xatire deptirige, türkiye bilen ruméniyening rayonluq hemde xelqaraliq mesililerni hel qilishta, hemkarliq ichide ikenlikini eskertip: «ikki dölet otturisidiki dostluq we hemkarliqning aldimizdiki mezgilde téximu yaxshi sewiyege yétidighanliqigha ishinimen» dep béghishlima yazdi.