erdoghan parlaméntta we her sahede ayallar sanini köpeytkenliklirini bildürdi

türkiye awazi radiyosi xewiri: jumhur reis rejep tayyip erdoghan partiyesi (adalet we tereqqiyat partiyesi) ning paytext enqerede ötküzülgen ayallar yachéykisining 6-qétimliq kongreside söz qildi.

u hem türkiye büyük millet mejlisi (parlaménti) de hemde memuriyette ayallar sanini her sahe boyiche köpeytkenliklirini qeyt qildi.

u: « turmushning bashqa saheliridikige oxshash siyasettimu ayallarni chetke qéqishning, insaniyetning yérimigila emes, belki oxshash waqitta yene, yaritilish tebiiyitige dümbisini qilish bolidu» dédi.

u ayallargha zorawanliq qilish mesilisige qarita türkiye büyük millet mejliside yéngi komitét quridighanliqlirini eskertip: «qolimizdin kélidighan tirishchanliqni axirighiche körsitimiz. ayallargha zorawanliq qilishqa ruxset qilmaymiz» dédi.

u yene mundaq dédi:

«ayallar hoquqi mesiliside goya aldida hésablinidighan döletlerdiki ayal jinayetlirining dölitimizdikidin nechche hesse artuq bolushtek emeliyetni körmeske sélip, türkiyeni hujum nishani qilghanlarning meqsiti, xelqimizdur. ayalni ana, ewlad, shundaqla insan bolushtin chiqirip, yiltizi yoq, rohi yoq kishi qilmaqchi bolghanlarning aldam xaltisigha chüshmeymiz. türkiye we türkiye xelqi bilen bolghan hésablishishlarda ayallardin paydilanghanlarning epti-beshirsini her pursette ashkarilaymiz.»

u yéngi mezgilde aldin ehmiyet béridighan ishlarning aile muessesini küchlendürüsh bolidighanliqini qeyt qildi.