تۈركىيە قىزىل ئاي جەمئىيىتى ئافغانىستانلىقلارنى دۆلىتىگە قايتىشقا رىغبەتلەندۇرمەكتە

تۈركىيە ئاۋازى رادىيوسى خەۋىرى: «ئىختىيارىي قايتىپ كەلگەندىن كېيىنكى قوللاش» لايىھەسى دائىرىسىدە، پايتەخت كابۇلدا دۆلىتىگە ئۆز ئىختىيارلىقى بىلەن قايتىپ كەلگەن ئافغانىستان پۇقرالىرى ئۈچۈن ماروژنى دۇكانلىرى ئېچىپ بەردى.

تۈركىيە قىزىل ئاي جەمئىيىتى ئافغانىستان ۋەكىللەر ئۆمىكىنىڭ باشلىقى فەرىد ئەھمەت زىيا ئېچىلىش مۇراسىمىدىكى نۇتىقىدا، ئۆز دۆلىتىگە قايتىپ كەلگەن ئافغانىستانلىقلارغا تىرىكچىلىك قىلىش پروگراممىسى دائىرىسىدە، 61-دۇكان ئېچپ بېرىشتىن خۇشال بولغانلىقىنى بىلدۈردى.

بۇ دۇكاننى ماروژنى دۇكىنى سۈپىتىدە ئاچقانلىقىنى تىلغا ئالغان فەرىد ئەھمەت زىيا، ئۆزلىرىنىڭ ئېچىلغان دۇكان ئۈچۈن كېرەكلىك بارلىق ئۈسكۈنىلەر ۋە ماتېرىياللار بىلەن تەمىنلىگەنلىكىنى ۋە دۇكاننىڭ 5 ئايلىق ئىجارە پۇلىنى تۆلىگەنلىكىنى ئېيتتى.

فەرىد ئەھمەت زىيا، بۇ ئارقىلىق تۈركىيەدىن ئىخىتىيارىي شەكىلدە قايتىپ كەلگەن ئافغانىستان پۇقرالىرىنىڭ ئۆز ئالدىغا ئىگىلىك تىكلىيەلىشى ۋە ئائىلە-تاۋابىئاتلىرىنىڭ تۇرمۇشىنى قامدىيالىشىغا ياردەمچى بولۇشنى نىشان قىلغانلىقىنى بىلدۈردى.