erdoghan xitayning bir yol, bir belbagh layihesini qollaydighanliqini bildürdi

türkiye jumhur reisi rejep tayyip erdoghan wuxen wirusi (Kovid-19) apitige qarshi küreshning, peqet küchlük hemkarliq, rayonluq we xelqaraliq hemkarliq arqiliq ghelibe qilish mumkinlikini éytti.

1595166
erdoghan xitayning bir yol, bir belbagh layihesini qollaydighanliqini bildürdi

türkiye awazi radiyosi xewiri: jumhur reis rejep tayyip erdoghan 14-qétimliq iqtisadiy hemkarliq teshkilati aliy rehberler yighinigha sinliq shekilde qatniship muhim söz qildi.

u: «wuxen wirusi apitige qarshi küresh, peqet küchlük hemkarliq, rayonluq we xelqaraliq hemkarliq arqiliq ghelibe qilishi mumkin. yolgha qoyulghan zörür cheklesh tedbirlirining, ochuq-ashkara, muwazinetlik we waqitliq bolushi, shübhisizki ortaq sodimiz üchün toghra bolidu» dédi.

u 17 yildin buyan ijra qilinalmighan iqtisadiy hemkarliq teshkilati soda kélishimining waqit isirap qilinmastin yolgha qoyulushining paydiliq ikenlikini bildürdi.

u: «xitayning bir yol, bir belbagh layihesini muhim dep qaraydighanliqimizni, ‹teng menpeet yetküzüsh› asasida bu layiheni qollaydighanliqimizni bildürmekchimen.

2025-yilliq nishanimizda pilan qilinghan layihelerning meblegh qismida ishlitish üchün ‹wizyon fondi› ning qurulushini qollaymiz. buningdin kéyin, qarabaghda xewpsizlik we muqimliqning ornitilishigha yardem qilishqa, 30 yilliq erméniye ishghalining buzghunchiliqining ornini birlikte toldurushqa aldin ehmiyet bérimiz. irangha qarshi yolgha qoyulghan bir tereplimilikke ige émbargolarning axirlishishi, rayonimizning iqtisadiy jehettin parawanliqigha we muqimliqigha hesse qoshidu» dédi.

u barliq eza döletlerni shimaliy qibris türk jumhuriyiti bilen munasiwetlirini her sahede tereqqiy qildurup, duchar bolghan adaletsizlikler üstidin ghalip kélishige yardem qilishqa dewet qildi.  



مۇناسىۋەتلىك خەۋەرلەر