битлиста бир һәрбий тик учар чүшүп кәтти

түркийә дөләт мудапиә министирлиқи бир һәрбий тик учарниң чүшүп кәткәнлики тоғрисида байанат елан қилди.

1595305
битлиста бир һәрбий тик учар чүшүп кәтти

түркийә авази радийоси хәвири: дөләт мудапиә министирлиқи бир һәрбий тик учарниң чүшүп кәткәнлики тоғрисида байанат елан қилди.

байанатта, бингөлдин учқан «җовгар» (Cougar) типлиқ тик учар билән болған алақиниң әнқәрә вақти 14 тин 25 мнут өткәндә үзүлүп қалғанлиқи билдүрүлди.

издәш-қутқузуш хизмәтлири нәтиҗисидә, метерологийәлик сәвәбләр түпәйлидин тик учарниң қазаға учриғанлиқи вә тик учардики тоққуз әскәрниң шеһит болғанлиқи әскәртилди.

министирлиқниң иккинчи қетим елан қилған байанатида, шеһит болған әскәр саниниң 11 гә чиққанлиқи билдүрүлди.

қәйт қилинишичә, йариланған үч әскәр дәрһал дохтурханиға апирилған вә балнистқа елинған.

дөләт мудапиә министири һулуси акар, армийә иштаб башлиқи йашар гүләр вә қуруқлуқ армийә қомандани үмит дүндарниң вәқәни тәкшүрүш үчүн районға йетип барғанлиқи билдүрүлди.



مۇناسىۋەتلىك خەۋەرلەر