erdoghan bilen shentop erbaqan wapatining 10 – yilliqi munasiwiti bilen bayanat élan qildi

jumhur reis rejep tayyip erdoghan bilen türkiye büyük millet mejlisi bashliqi mustafa shentop sabiq bash ministirlardin merhum nejmettin erbaqan wapatining 10 – yilliqi munasiwiti bilen bayanat élan qildi.

1591824
erdoghan bilen shentop erbaqan wapatining 10 – yilliqi munasiwiti bilen bayanat élan qildi

türkiye awazi radiyosi xewiri: jumhur reis erdoghan, ammiwi ortaqlishish tor béti Instagram sehipiside, bu heqte élan qilghan bayanatida, mundaq dédi: «küresh bilen ötken hayatini öginish, oqutush, xizmet qilishqa, bu döletning upqini kéngeytishke béghishlighan ulugh alim, dölet erbabi we siyasiyon piroféssor doktor nejmettin erbaqan ustazimizni, axiretke seper qilghanliqining 10 – yilliqi munasiwiti bilen cheksiz minnetnarliq we hörmet tuyghusi ichide yad étimen.»

jumhur reis erdoghan, bayanatida, erbaqanning foto süritige orun berdi.

türkiye büyük millet mejlisi bashliqi mustafa shentopmu, axiretke seper qilghanliqining 10 – yilliqi munasiwiti bilen qebrisining béshida dua qilghan erbaqanning hem akadémik süpitide, hemde ammiwi teshkilatlar we siyasettiki wezipiliri bilen türkiyege nahayiti chong xizmetlerni ishligen, töhpilerni qoshqan katta dölet erbabi ikenlikini tekitlep mundaq dédi: «uning ishligen xizmetliri peqet özi bilenla cheklinip qalmastin, yene u yétishtürgen insanlar, türkiyege sunghan upuqlar, layihelernimu öz ichige alidu, ismidinmu melum bolghinidek, u nejmuddindur, yeni dinning cholpinidur.»


خەتكۈچ: #erdoghan , #bayanat , #erbaqan , #shentop

مۇناسىۋەتلىك خەۋەرلەر