түркийә малида йүз бәргән террорлуқ һуҗумини әйиблиди

түркийә малида қораллиқ сақчи қисим нишан қилинған террорлуқ һуҗумини әйиблиди.

1591652
түркийә малида йүз бәргән террорлуқ һуҗумини әйиблиди

түркийә авази радийоси хәвири: түркийә ташқи ишлар министирлиқи тәрипидин елан қилинған йазма байанатта, 25 – феврал күни малиниң бандиагара райониға җайлашқан қораллиқ сақчи қисим базиси нишан қилинған террорлуқ һуҗумида көп санда дөләт хәвпсизлик хадиминиң һайатидин айрилғанлиқи вә йариланғанлиқидин толиму әпсусланған һалда хәвәр тапқанлиқи әскәртилип мундақ дейилди: «бу террорлуқ һуҗумлирини әйибләймиз, дост вә қериндаш дөләт мали хәлқи вә һөкүмитигә, һайатидин айрилғанларниң аилә тавабиатлири вә йеқин – йоруқлириға тәзийә билдүриз, йариланғанларға шипалиқ тиләймиз.»

малийә армийәси тәрипидин бу һәқтә елан қилинған байанатта, мопти райониға җайлашқан бандиагар һәрбий базисиниң нәмәлум қораллиқларниң һуҗумға учриғанлиқи, һуҗумда 8 әскәрниң җенидин айрилғанлиқи, 5 әскәрниң йариланғанлиқи билдүрүлгәниди.



مۇناسىۋەتلىك خەۋەرلەر