sinowak waksinasining artuqchiliqqa ige ikenliki bildürüldi

türkiye awazi radiyosi xewiri: sehiye ministirliqi bilim kéngishining ezasi piroféssor doktor hesen murat gündüz bayanat élan qilip, xitaydin sétiwélinip türkiyede emliniwatqan waksinaning, yéngi tür wirusqa qarshi téximu köp artuqchiliqqa ige ikenlikini bildürdi.

u: «bu waksinaning yéngi tür wirusqa qarshi köp artuqchiliqqa ige ikenliki biliniwatidu. gherbtiki bashqa döletlermu bu waksinagha yüzlinishke bashlidi. shunga bu, biz üchün artuqchiliq hésablinidu. chünki biz xelqimizni bu waksina bilen emlewatimiz» dédi.

u kishilerning immunitét küchige ige bolghanda, mezkur waksinaning wirusqa qarshi ünümining téximu yaxshi bolidighanliqini eskertip: «kishiler wirusqa qarshi tedbirlerge axirighiche riaye qilghan we emlengen ehwalda, bahar aylirining axirida yaxshi nuqtigha kélidighanliqimizni perez qilghili bolidu» dédi.

u axirida, mushundaq bolghanda, yaz peslige ishench bilen kirgili bolidighanliqini we wabaning aldini mushu shekilde alghili bolidighanliqini qeyt qildi.