голландийә түркийә сәһийә әтритиниң ваксина әмләш хизмәтлирини үлгә көрсәтти

голландийәдә тарқитилидиған «RTL Nieuws» қанили, түркийә сәһийә әтритиниң ковид-19 ваксиниси әмләш хизмәтлирини үлгә көрсәтти.

1583090
голландийә түркийә сәһийә әтритиниң ваксина әмләш хизмәтлирини үлгә көрсәтти

түркийә авази радийоси хәвири: сәһийә министири фахрәттин коҗа иҗтимаий таратқу һесабида, түркийә сәһийә әтритиниң түркийәниң һәммила йеридә йашанғанларға ваксина әмләш үчүн һәр хил һаварайи шараитлириға қаримастин, елип барған хизмәтлирини голландийәниң «RTL Nieuws» қаналиниң үлгә көрсәткәнликини һәмбәһирлиди.

фахрәттин коҗа мунасивәтлик рәсимләргә «бизниң бу дөләттин пәхирлинишкә нурғун сәвәблиримиз бар» дегән сөзни қошуп  һәмбәһирлиди.

«RTL Nieuws» қаналиниң хәвиридә, голландийәдики бәзи ваксина әмләш нуқтилириниң қиш шараити сәвәбидин тақалғанлиқи тәрәпкә һәмминиң диққити тартилиду һәмдә  түркийә сәһийә әтрәтлириниң болса,  начар һаварайи шараитлириға қаримастин, һәтта әң йирақ җайлардики пуқраларғиму ковид -19 ваксиниси йәткүзүватқанлиқи үлгә көрситилиду.

хәвәрдә йәнә, ванда хизмәт қиливатқан давалаш әтрәтлириниң йашанғанларға ваксина әмләш үчүн қарлиқ йолларни кесип өтүп, йезиларға барғанлиқи  көрситилиду.



مۇناسىۋەتلىك خەۋەرلەر