ibrahim kalin amérikaning p y d gha qiliwatqan yardemlirini toxtitishni telep qildi

jumhur reislik mehkimisining bayanatchisi ibrahim kalin amérikaning térrorluq teshkilati p y d (PYD) we y p g (YPG) ge qiliwatqan yardemlirini toxtitishi kéreklikini éytti.

1582211
ibrahim kalin amérikaning p y d gha qiliwatqan yardemlirini toxtitishni telep qildi

türkiye awazi radiyosi xewiri: jumhur reislik mehkimisining bayanatchisi ibrahim kalin« t r t xewer» qanilining pirogrammisigha qatniship, muhim bayanatlarni berdi.

u jo baydin hökümitining nurghun wedilerni bérip hakimiyet béshigha kelgenlikini bildürdi we yéngi qedemlerni basidighanliqi üstide toxtaldi.

u ötken hepte baydinning dölet xewpsizlik meslihetchisi jéyk sulliwan (Jake Sullivan) bilen téléfonda körüshüp, ixtilapliq mesililerni muzakire qilghanliqlirini qeyt qildi.

u y p g we p y d ge qiliniwatqan yardemlerdin bashqa, fethullahchi térrorluq teshkilatining amérikadiki paaliyetlirige köz yumushning, türkiye nuqtisidin éytqanda, dölet bixeterliki mesilisi ikenlikini eskertip, türkiyening qetiy meydani sayisida süriyening shimalida amérika we bashqa döletlerning qollishi bilen, p y d we y p g ning kontrolluqida bir térrorluq karidori shekillinishining aldi élinghanliqini qeyt qildi.

u: «amérika p y d we y p g ge qiliwatqan yardemlirini axirlashturushi, fethullahchi térrorluq teshkilatining u yerdiki paaliyetlirini cheklishi kérek» dédi.

u türkiye bilen amérikaning özara hörmet qilish pirinsipigha asasen mesililerni hel qilalaydighanliqini eskertti.

u amérika tashqi ishlar ministirliqining osman kawalani qoyup bérish chaqiriqi heqqidiki soallarghimu jawab berdi. u mundaq dédi:

«bu yerde dawamlishiwatqan sot basquchliri bar. amérikani öz ichige alghan barliq döletler bu basquchlargha hörmet qilishi kérek. mundaqche éytqanda, bizning amérikada dawamlishiwatqan yaki bashqa dölette dawamlishiwatqan bir sot basquchi toghrisida aldinala uni qilinglar, buni qilinglar dep, sotning qararigha tesir körsitidighan mahiyette bayanat élan qilishimiz qandaq toghra bolmisa, ularningmu bu yerdiki sot basquchigha oxshash hörmet qilishi kérek.»



مۇناسىۋەتلىك خەۋەرلەر