erdoghan girétsiye bash ministirini qattiq tenqid qildi

türkiye awazi radiyosi xewiri: jumhur reis rejep tayyip erdoghan adalet we tereqqiyat partiyesining parlaménttiki guruppa yighinida söz qildi.

u türkiye bilen girétsiye otturisidiki mesililerni hel qilish üchün körüshidighanliqini eskertip, girétsiye bash ministirigha xitab qildi.

u: «körüsheyli dewatsaq, michotakis bayanat élan qilip, heywe qiliwatidu. sen heywe qilghandin kéyin, biz sen bilen qandaq körüshimiz? aldi bilen heddingdin ashmasliqing kérek. bilishing kérekki, undaq qilmisang, üstelni örüp qachqan sen bolisen. bundaq ehwalda, biz sen bilen üstelge kelmeymiz. sen arqangdiki yölenchükliringge ishinisen, emma ularning héchbiridin sanga payda kelmeydu. biz özimizni özimiz opératsiye qilimiz, uning üchün qaram türklerni yaxshi bilishing kérek» dédi.

u türkiyening yérim esirdin buyan aralda dawamlishiwatqan mesililer tüpeyli, shimaliy qibris türklirining téximu köp ziyankeshlikke uchrishigha ruxset qilalmaydighanliqini tekitlep, mundaq dédi:

«arallarda qilghanliringlar otturida, némenglarge ishinisler. bir yerlerdin kélidighan yardemlerge ishinemsiler? eger uninggha ishensenglar, xatalashqan bolisler. qeyerdin néme kélishidin qetiynezer, bilishinglar kérekki, türkiye öz jayida qeddini tik tutuwatidu, kérek bolghanda néme qilishini yaxshi bilidu.»

u girétsiye we qibris rum terepning bayanatlirigha qarighanda, qibris türk terepni yoq hésablighan pozitsiyede özgirish bolmighanliqini eskertip: «qobul qilinglar yaki qilmanglar, emdi qibrista ikki döletlik hel qilish charisidin bashqa, chiqish yoli qalmidi» dédi.