chawushoghlu umman tashqi ishlar ministiri bilen körüshti

türkiye awazi radiyosi xewiri: türkiye tashqi ishlar ministiri mewlüt chawushoghlu resmiy ziyaret üchün éytip barghan ummanda, tashqi ishlar ministiri seyyid badir bin hamed bin hamod albusaidi bilen körüshti. ikki rehberning körüshüshidin kéyin, qoshma axbarat élan qilish yighini ötküzüldi.

mewlüt chawushoghlu türkiye jumhur reisi rejep tayyip erdoghanning umman sultani heysem bin tariq teymur alseidke ewetken teklipini yetküzidighanliqini bildürüp, tashqi ishlar ministiri seyyid badir bin hamed bin hamod albusaidi bilen bolghan körüshüshining ünümlük bolghanliqini eskertti.

u: «siyasiy we soda- iqtisad munasiwetlirimzini tereqqiy qildurush mesiliside, pikir birliki hasil qilduq. rayonluq we xelqaraliq mesililerni muzakire qilduq» dédi.

u türkiyening pars qoltuqi hemkarliq kéngishining istratégiyelik shériki ikenlikini eskertip: «döletler arisidiki normallishish musapisini memnunluq bilen qarshi alghan türkiye, pars qoltuqi döletliride ittipaqliq, parawanliq we bixeterlikni qollaydu» dédi.

u umman bilen türkiyening, pelestin, süriye we liwiye mesililiride oxshash qarashlargha ige ige ikenlikidin memnun ikenlikinimu sözlirige éla we qildi.

umman tashqi ishlar ministiri seyyid badir bin hamed bin hamod albusaidi mewlüt chawushoghluni kütüwalghanliqidin xushal ikenlikini bildürdi we: «bu ziyarette, ikki dölet otturisidiki yaxshi we alahide munasiwetlirimizge paydiliq we ünümlük yighin ötküzduq. bu munasiwetlerni, bolupmu iqtisad, soda, sayahetchilik we medeniyet sahelirige kéngeytishning yolliri üstide izdenduq» dédi.

u yene, rayonluq we xelqaraliq mesililernimu muzakire qilghanliqlirini bildürüp, chiqqan mesililerni we qiyinchiliqlarni hel qilish üchün ortaq tirishchanliq körsitishte pikir birliki hasil qilghanliqlirini qeyt qildi.

u axirida, wuxen wirusi(Kovid-19)  gha qarshi turushta özara pikri almashturghanliqrinimu bildürüp, mezkur mesilide türkiye bilen hemkarliq ornitilghanliqini we özara uchur almashturghanliqlirini qeyt qildi.