erdoghan  mérkél bilen körüshti

türkiye awazi radiyosi xewiri: jumhur reislik sariyi uchur – alaqe ishliri idarisining bildürüshiche, türkiye – gérmaniye munasiwetlirini tereqqiy qildurush yolida tashlinidighan qedemler  we türkiye – yawropa ittipaqi munasiwetliri heqqide muzakire élip bérilghan körüshüshte, erdoghan, türkiye – yawropa ittipaqi munasiwetlirini ijabiy bir küntertipke asasen ilgiri sürüsh iradilirining qetiylikini eskertken, hemde yawropa ittipaqining mart éyida chaqirilidighan bashliqlar yighinighiche uchur – alaqining köpeytilip, téxnikiliq söhbetlerning ötküzülüshini ümid qilidighanliqini éytqan.

yawropa ittipaqining türkiyege adil we ijabiy pozitsiye tutushining her ikki terepke paydiliq ikenlikini tekitligen jumhur reis erdoghan, 18 - mart ortaq kélishim layihesi  (tertipsiz köchmenlerni qayta qobul qilish bedilige türkiye puqraliridin wizining kechürüm qilinishi) ni yéngilash üchün zörür bolghan xizmetlerning derhal ishlinishi kéreklikini qeyt qilghan.

u yene, portugaliyening nöwetchi reislik mudditi axirlishishtin ilgiri türkiye-yawropa ittipaqi bashliqlar yighini ötküzülüshini ümidni qilidighanliqinimu sözlirige ilawe qildi.

gérmaniye hökümiti bayanatchisi stéffén séybért teripidin élan qilinghan yazma bayanattimu, mérkélning talash – tartishliq mesililerde diyalog ötküzüsh arqiliq algha ilgirileshmning muhimliqini tekitlesh bilen bir waqitta, türkiyening sherqiy aqdéngiz mesilisige qarita axirqi ijabiy signalliri we özgirishlerdin xursen ikenlikini qeyt qilghan, hemde yawropa ittipaqi bilen türkiye otturisidiki muqim we ijabiy munasiwetlerning nahayiti zor ehmiyetke ige ikenlikini bayan qilghan.