قايىل قىلىش ۋاسىتىسى ئارقىلىق يەنە بىر تېررورچى تەسلىم بولدى

تۈركىيە ئاۋازى رادىيوسى خەۋىرى: ئىچكى ئىشلار ئىشلار مىنىستىرلىقىنىڭ بىلدۈرۈشىچە، جامائەت خەۋپسىزلىكى باش ئىدارىسى بىلەن قوراللىق ساقچى قىسىم قوماندانلىق باش ئىشتابىنىڭ مۇناسىۋەتلىك بۆلۈملىرى تەرىپىدىن ئېلىپ بېرىلىۋاتقان قايىل قىلىش پائالىيەتلىرى نەتىجىسىدە، بۆلگۈنچى تېررورلۇق تەشكىلاتى پ ك ك/ك ج ك دىن قاچقان يەنە بىر تېررورچى دۆلەت خەۋپسىزلىك كۈچلىرىگە تەسلىم بولغان.

باياناتتا تەكىتلىنىشىچە، 2017 – يىلى بۆلگۈنچى تېررورلۇق تەشكىلاتى پ ك ك/ك ج ك نىڭ سېپىگە قېتىلىپ، ئىراق ۋە سۈرىيەدە پائالىيەت ئېلىپ بارغانلىقى ئېنىقلاپ چىقىلغان بۇ تېررورچى بىلەن بىرلىكتە، پەقەت 2021 – يىلىلا  قايىل قىلىش پائالىيەتلىرى نەتىجىسىدە تەسلىم بولغان تېررورچىلارنىڭ سانى 22 گە يەتكەن.