shentop albaniyede dölet ishliri ziyaritide boldi

türkiye büyük millet mejlisi bashliqi mustafa shentop tünügün albaniyediki uchrishishlirining ikkinchi küni döletning shimalidiki ishkodra shehirini ziyaret qildi.

1578432
shentop albaniyede dölet ishliri ziyaritide boldi

türkiye awazi radiyosi xewiri: shentop, ishkodra shehiride haji sheyx shamia imam xatip toluq ottura mektipi oqughuchilirining paaliyitige qatnashti, hemde bu yerde qilghan sözide, dunyaning nahayiti téz özgiriwatqanliqini we döletler ara hemkarliqning ilgirikige qarighanda téximu muhim boluwatqanliqini bayan qilip mundaq dédi: «yer shari xaraktérlik ‹kowid – 19› yuqumi mezgilide döletler ara hemkarliq yaki riqabetning neqeder muhimliqini yene bir qétim tonup yettuq, türkiye jumhuriyiti bu musheqqetlik künlerde pütün dunyagha, bolupmu balqan döletlirige tébbiy yardem lazimetliklirini ewetken alemshumul hem qimmetlik ölge yaratqan dölet boldi, bu dairide, albaniye bilen élimizning munasiwetliri yuqum mezgilide téximu tereqqiy qildi, bügünki kündimu shundaq dawamlashmaqta, buningdin kéyinmu shundaq hem izchil dawamlishidu.»

ikki dölet otturisidiki aliy derijilik rehberler ziyaretliri, türkiyedin kelgen karxanichilarning paaliyetliri, hejmi barghanséri éshiwatqan éksport – import, yunus emre inistituti we türkiye hemkarliq we maslashturush idarisining paaliyetlirining izchil yüksek sewiyege yétiwatqan dostluq muhitini otturigha chiqarghanliqini éytqan shentop, mundaq dep körsetti: «türkiye albaniyeni, balqan rayonida uzaq mezgillik tinchliq we muqimliq ornitishtinmu bekrek istiratégiyelik ehmiyetke ige bir dölet dep qaraydu. jümlidin, ikki dölet otturisidiki her türlük hemkarliqning muhimliqigha ishinimiz.»

albaniye – türkiye parlaméntlar ara dostluq guruppisining bashliqi ilir beqach teripidin özi we heyitining sheripige bérilgen chüshlük tamaq ziyapitigimu ishtirak qilghan shentop yene, «marubi» döletlik foto süret muzéyi, hesen riza pasha abidesi we ishkodra yunus emre énsittunimu ziyaret qildi, hemde bu yerde qilghan sözide, albaniye bash teptish mehkimisining fethullahchi térrorluq teshkilati unsurlirining pul yuyush heriketlirini tekshürüwatqanliqini bayan qildi.

fethullahchi térrorluq teshkilatining albaniye qatarliq paaliyet élip bériwatqanliki döletlerge nisbeten jiddiy tehdit shekillendürüwatqanliqini eskertken shentop, bashqa döletlerning bu teshkilatning ziyankeshlikige uchrishini xalimaydighanliqlirini tekitlidi.



مۇناسىۋەتلىك خەۋەرلەر