erdoghan: türkiye aliy maarip saheside chégralardin halqighan sewiyege yetti
jumhur reis rejep tayyip erdoghan türkiyening aliy maarip saheside chégralardin halqighan yüksek sewiyege yetkenlikini éytti.
1577379
türkiye awazi radiyosi xewiri: jumhur reis erdoghan, paytext enqerede aliy maarip orgini anadolu layihesini tonushturush yighinida mundaq dédi: «aliy maarip saheside chégralardin halqighan yüksek sewiyege yettuq, uniwérsitétlirimizning sani 76 din 207 ge, oqughuchilirimizning sani 1 milyon 600 mingdin 8 milyon 400 minggha köpeydi, bu reqem bilen élimiz yawropadiki uniwérsitétlargha kirishte birinchi orungha ötti. kishini xushallanduridighan yene bir nuqta shuki, bu éshishta qiz oqughuchilirimizning sani közge körünerlik derijide muhim orungha ige, ilgiri % 42 sewiyeside bolghan qiz oqughuchilirimizning nisbiti bu yil % 49 gha yetti.»