erdoghan: «kowid – 19» yuqumi mezgilide xelqimizge izchil yardem berduq

jumhur reis rejep tayyip erdoghan «kowid – 19» yuqumi mezgilide keng xelq ammisigha izchil yardemde bolghanliqlirini, buningdin kéyinmu shundaq qilidighanliqlirini éytti.

1575858
erdoghan: «kowid – 19» yuqumi mezgilide xelqimizge izchil yardem berduq

türkiye awazi radiyosi xewiri: jumhur reis erdoghan, ammiwi ortaqlishish tor bétidiki sehipiside grafikliq hembehirligen uchurida, «kowid – 19» yuqumi mezgilide keng xelq ammisigha bérilgen yardemler heqqide toxtaldi.

uchurida, «sehiyedin ammiwi yardemlergiche her bir sahede puqralirimizning yénida bolidighan shekilde qedemlerni tashliduq,  biz bu küreshte qol hünerwenlirimiz, kesp ehlilirimiz we ishlepchiqarghuchilirimizning yénida bolushni üzlüksiz dawamlashturimiz» dégen jumhur reis erdoghan, grafikta, yuqum mezgilide, ammiwi yardem seperwerlik heriketliri dairisige kiridighan barliq aililerge qoshumche maddiy yardem bérilgenlikini, qisqa muddetlik xizmet toluqlimisining dairisining kéngeytilgenliki, maashsiz dem alghanlargha qarita neq pul maashi bilen teminlesh xizmitining bashlanghanliqi, yuqumgha qarimay türkiyege kelgen sayahetchiler sanining 16 milyongha yetkenliki, melum saheler üchün baj we ijtimaiy kapalet orginigha sughurta heqqi tapshurush mudditining 6 ay kéchiktürülgenlikini qeyt qildi.

hüner – senet - tijaret saheliri we kesp ehlilirige yardem we ijare yardimi dairiside 5 milyardtin artuq neq pul yardimi, ammiwi qoghdash qalqini dairiside türlük sahedikilerge 49 milyard lira yardem qilinghanliqi eskertilgen grafikta, éksportchilarghimu 2.4 milyard lira yardem bérilgenliki qeyt qilindi.

grafikta yene, qoshulma qimmet béji nisbitining bezi sahelerde% 1 ke, bezi sahelerde% 8 ke töwenlitilgenliki, baj qerzini tapshurush belgilimisige tüzitish kirgüzülüp, baj tapshurghuchilargha qolayliq yaritip bérilgenliki, 2020-yili tijarette ziyini% 50 tin yuqiri bolghan karxanilargha, ziyinining % 3 tigiche neq pul yardem bérilgenliki, texminen 650 ming pinsiyonérning maashining 1500 liragha östürülgenliki hembehirlendi.


خەتكۈچ: #yuqum , #yardem , #jumhur reis , #erdoghan

مۇناسىۋەتلىك خەۋەرلەر