mustapa shentop we uning hemrahliqidiki heyet albaniyede resmiy ziyarette bolidu

türkiye büyük millet mejlisi (parlaménti) bashliqi mustapa shentop we uning hemrahliqidiki parlamént  ezaliri heyiti 4- féwraldin 5-féwralghiche albaniyede resmiy ziyarette bolidu.

1574353
mustapa shentop we uning hemrahliqidiki heyet albaniyede resmiy ziyarette bolidu

türkiye awazi radiyosi xewiri: türkiye büyük millet mejlisi (parlaménti) bashliqi mustapa shentopni paytext tirandiki resmiy ziyariti jeryanida albaniye parlaménti bashliqi gramoz ruchi kütiwalidu.

bashliqlar uchrishishidin kéyin, mustapa shentop bilen gramoz ruchi heyetlerara uchrishishqa riyasetchilik qilidu. heyetler uchrishishidin kéyin mustapa shentop bilen gramoz ruchi birleshme axbarat élan qilish yighini chaqiridu.

mustapa shentop andin albaniye parlaméntining sherep deptirige imza qoyidu. gramoz ruchi mustapa shentop we hemrahliqidiki parlamént  ezaliri heyitining sheripige chüshlük ziyapet béridu.

parlamént bashliqi mustapa shentop we hemrahliqidiki parlamént ezaliri heyiti birinchi künlük uchrishishliri dairiside, albaniye pirézidénti ilir méta teripidinmu qobul qilinidu we albaniye bash ministiri edi rama bilenmu körüshidu.

ziyaritining ikkinchi künide ( yeni 5 - féwralda), mustapa shentop we hemrahliqidiki parlamént ezaliri heyiti ishkodradiki hesen riza pasha shehidlikige gülchembirek qoyidu.

mustapa shentop yene, ishkodradiki haji sheyx shamya imam xatip ottura mektipi we yunus emre institutinimu ziyaret qilidu.


خەتكۈچ: #albaniye , #mustapa shentop

مۇناسىۋەتلىك خەۋەرلەر