xitaygha bor toshush poyizi yolgha chiqti

türkiye awazi radiyosi xewiri: baku – tiflis – qars tömür yoli liniyesidin türkiye bilen xitay otturisida ishlitilidighan üchinchi éksport poyizining teyyarliq xizmetliri tamamlandi.

türkiyedin xitaygha baridighan poyizni énérgiye we tebiiy bayliqlar ministiri fatih dönmez bilen qatnash we qurulush ministiri adil qaraismailoghlu uzitip qoydi.

ministir dönmez bu yerde qilghan sözide, türkiyedin xitaygha tömür yoli arqiliq tunji bor éksportining ishqa ashurulghanliqini tekitlep  mundaq dédi: «déngiz yoli arqiliq texminen 45 – 60 kün ariliqida ishqa ashurup kéliwatqan éksportni 15 – 20 kün ichide tamamliyalaymiz.»

42 kontéynér ichide toshulidighan bor, eti kan ishliri bash idarisi teripidin xitaygha éksport qilinmaqta.

poyizning dölet ichidiki sepiri enqere – siwas liniyesidin bashlinidu, giruziye – ezerbeyjan – hazar déngizi ötüsh éghizi – qazaqistan arqiliq xitayda tamamlinidu.

poyizning xitay sepiri uda 12 kün dawamlishidu. pyiz bu seper jeryanida 2 qite, 2 déngizdin halqip, jemiy 7 ming 792 kilométirliq musapini bésip ötidu.