aliy meslihetchiler kéngishi chet ellikler we islamgha öchmenlik qilish mesilisini muzakire qildi

türkiye awazi radiyosi xewiri: jumhur reis erdoghanning riyasetchilikide jumhur reislik mehkimiside yépiq halette chaqirilghan aliy meslihetchiler kéngishi yighini texminen ikki yérim saet dawamlashti.

jumhur reislik mehkimisi uchur – alaqe ishliri idarisi bashliqi fahrettin altun yighindin kéyin yazma bayanat élan qilip, aliy meslihetchiler kéngishi ezalirining gherb jemiyitide künséri küchiyiwatqan chet elliklerge we islamgha öchmenlik qilish mesilisi, shundaqla islam dunyasining nöwettiki weziyiti qatarliqlarni muhakime qilghanliqini bildürdi.

altun jumhur reis erdoghanning yighinda, gherb uzundin buyan arqisigha yoshurunup kéliwatqan démokratiye, erkinlik we kishilik hoquq girimi sökülüp chüshkenséri, irqchi, ayrimichi , yawayi we buzghunchi yüzining özini körsitishke bashlighanliqini otturigha qoyghanliqini, birmadin sherqiy türkistanghiche, balqan we kawkaz rayonliridin pelestinginche bolghan perqliq rayonlarda musulmanlargha qirghinchiliq, zulum, bésim, ishghal we esebiylik siyasetlirining yürgüzülgenlikini, eng éghir we eng échinishliq körünüshlergimu islam jughrapiyesining shahit boluwatqanliqini eskertkenlikini qeyt qildi.

altun sözini dawamlashturup: «kéngesh ezaliri islam dunyasining ichki toqunushlardin qutulup, birlik – barawerlikini kücheytip, dinning mahiyitidin kélip chiqmighan arqisi qarangghu qurulmilargha qarshi küresh qilish mesililiri toghrisida pikir almashturdi» dégenlerni qeyt qildi.