eren-5 zerbe bérish herikiti utuqluq dawam qilmaqta
türkiye jumhuriyiti ichki ishlar ministirliqining p k k térrorluq teshkilatigha qarshi élip bériwatqan eren-5 namliq zerbe bérish herikiti arqiliq 53 panahlinish orni bilen 62 iskilat bitchit qilip tashlandi.
türkiye awazi radiyosi xewiri: ichki ishlar ministirliqi bayanat élan qilip, p k k/k j k térrorluq teshkilatining qishliq teyyarliqlirini bitchit qilip tashlash meqsitide mardin wilayetlik zhandarma qomandanliqidiki zhandarma komandir, zhandarma alahide heriket we amanliq saqlighuchilirini ishtirak qilishi bilen élip bériliwatqan zerbe bérish herikitining dawamlishiwatqanliqini uqturdi.
bayanatta, zerbe bérish herikiti jeryanida 53 panahlinish orni bilen 62 iskilatning bitchit qilip tashlanghanliqi we bu orunlardiki nurghun partlatquch, partlatquch yasashta ishlitilidighan eshyalar, oq – dora, teshkilat matériyalliri, salametlik we turmush lazimetlirining qolgha chüshürülgenliki qeyt qilindi.
dölet ichidiki térrorchilarni unsurlarni teltüküs yoqitip tashlash meqsitide bashlanghan eren zerbe bérish heriketliri xelqining yéqindin qollap – quwwetlishi sayida qetiylik bilen dawamlashturulmaqta.
