әрдоған «өткән һәптә немиләрни қилдуқ?» сәрләвһисидә учур һәмбәһирлиди

түркийә авази радийоси хәвири: җумһур рәис рәҗәп таййип әрдоған твиттерда һәмбәһирлигән учурида: «өткән һәптә, болупму йеза игилики, енергийә вә мудапиә санаити саһәлиридә нурғун муһим хизмәтләрни вә лайиһәләрни ишқа кириштүрдуқ. хизмәткә сунулидиған биналарниң қурулуш сүритини тезләштүрдуқ. түркийәни техиму парлақ келәчәккә йәткүзүш үчүн қәтий ирадә билән хизмәт қилишни давамлаштуримиз» деди.

у учурида, миллий парахот « F515-истанбул» ниң деңизға чүшүрүлгәнликини, әргани вә башлар су амбири билән әргани пакизә су айриш завутиниң ишқа кириштүрүлгәнликини, силван су амбири хизмәтлириниң ахирлашқанлиқини, иқтисадий тәрәққийат вә һәмкарлиқ тәшкилати (OECD) ниң истанбулдики мәркизиниң ечилғанлиқини, мәдәнийәт вә сайаһәт ишлири министирлиқиниң 2019-2020-йиллиқ мукапатлирини тарқитиш мурасимлириниң өткүзүлгәнликини билдүрди.