ئەردوغان «ئۆتكەن ھەپتە نېمىلەرنى قىلدۇق؟» سەرلەۋھىسىدە ئۇچۇر ھەمبەھىرلىدى

تۈركىيە جۇمھۇر رەئىسى رەجەپ تاييىپ ئەردوغان تۋىتتېردا، «ئۆتكەن ھەپتە نېمىلەرنى قىلدۇق؟» سەرلەۋھىسىدە ئۇچۇر ھەمبەھىرلىدى.

1570460
ئەردوغان «ئۆتكەن ھەپتە نېمىلەرنى قىلدۇق؟» سەرلەۋھىسىدە ئۇچۇر ھەمبەھىرلىدى

تۈركىيە ئاۋازى رادىيوسى خەۋىرى: جۇمھۇر رەئىس رەجەپ تاييىپ ئەردوغان تۋىتتېردا ھەمبەھىرلىگەن ئۇچۇرىدا: «ئۆتكەن ھەپتە، بولۇپمۇ يېزا ئىگىلىكى، ئېنېرگىيە ۋە مۇداپىئە سانائىتى ساھەلىرىدە نۇرغۇن مۇھىم خىزمەتلەرنى ۋە لايىھەلەرنى ئىشقا كىرىشتۈردۇق. خىزمەتكە سۇنۇلىدىغان بىنالارنىڭ قۇرۇلۇش سۈرئىتىنى تېزلەشتۈردۇق. تۈركىيەنى تېخىمۇ پارلاق كېلەچەككە يەتكۈزۈش ئۈچۈن قەتئىي ئىرادە بىلەن خىزمەت قىلىشنى داۋاملاشتۇرىمىز» دېدى.

ئۇ ئۇچۇرىدا، مىللىي پاراخوت « F515-ئىستانبۇل» نىڭ دېڭىزغا چۈشۈرۈلگەنلىكىنى، ئەرگانى ۋە باشلار سۇ ئامبىرى بىلەن ئەرگانى پاكىزە سۇ ئايرىش زاۋۇتىنىڭ ئىشقا كىرىشتۈرۈلگەنلىكىنى، سىلۋان سۇ ئامبىرى خىزمەتلىرىنىڭ ئاخىرلاشقانلىقىنى، ئىقتىسادىي تەرەققىيات ۋە ھەمكارلىق تەشكىلاتى (OECD) نىڭ ئىستانبۇلدىكى مەركىزىنىڭ ئېچىلغانلىقىنى، مەدەنىيەت ۋە ساياھەت ئىشلىرى مىنىستىرلىقىنىڭ 2019-2020-يىللىق مۇكاپاتلىرىنى تارقىتىش مۇراسىملىرىنىڭ ئۆتكۈزۈلگەنلىكىنى بىلدۈردى.



مۇناسىۋەتلىك خەۋەرلەر