erdoghan hökümitining türgiyege zor utuqlarni qazandurghanliqini éytti

jumhur reis rejep tayyip erdoghan, adalet we tereqqiyat partiyesi hökümetliri mezgilide türkiyening her sahede bösüsh hasil qilghanliqini éytti.

1570555
erdoghan hökümitining türgiyege zor utuqlarni qazandurghanliqini éytti

türkiye awazi radiyosi xewiri: jumhur reis, qoshumche adalet we tereqqiyat partiyesi erdoghan, partiyesining istanbul wilayetlik merkizi binasida turup, adalet we tereqqiyat partiyesining 7 – nöwetlik denizli, mersin, ushaq wilayetlik qurultaylirigha sin körünüshlük ishtirak qildi.

erdoghan mezkur qurultaylarda qilghan sözide, adalet we tereqqiyat partiyesining türkiyeni jumhuriyet tarixida qolgha keltürülgen utuqlarning yighindisidin nechche hesse artuq utuqqa peqet 18 yilda ige qilghanliqidin pexirlinidighanliqini tilgha élip ötti.

erdoghan (adalet we tereqqiyat partiyesining) türkiyege dewr halqitquzghanliqini bildürüp: «térrorluq teshkilatigha qarshi turush kürishimizdin chégra bixeterlikimizni qoghdashqiche, shundaqla barliq zulumgha uchrighanlargha yardem qolimizni sonush arqiliq dölitimizning inawitini yuqiri kötürduq. biz her bir puqraning turmush süpitini östürduq. muweppeqiyet qazinishimizning perde arqisida bu iptixar kartinisi bar» dégenlerni qeyt qildi.

hazirgha qeder qilinghan barliq xizmetlerning xelq bilen birlikte qilinghanliqini tekitligen erdoghan sözini dawamlashturup: «qolgha keltürgen utuqlarni xelqimiz bilen birlikte qolgha keltürduq. türkiyeni 2023 – yilliq (türkiye jumhuriyiti qurulghanliqining 100- yili) nishanimiznimu yene xelqimiz bilen birlikte ishqa ashurimiz. merkizi insan bolghan siyasetning ijra qilinidighan orni 83 milyon xelqimizning könglidur. aldi bilen köngüllerni alimiz, andin bizge bélet tashlishini telep qilimiz» dédi.


خەتكۈچ: #erdoghan , #türkiye

مۇناسىۋەتلىك خەۋەرلەر