türkiye: ezerbeyjan bilen türkmenistanning kélishim tüzgenlikidin xursenmiz

türkiye ezerbeyjan bilen türkmenistanning hazar déngizi mesiliside kélishim tüzgenlikidin xursen ikenlikini bildürdi.

1569164
türkiye: ezerbeyjan bilen türkmenistanning kélishim tüzgenlikidin xursenmiz

türkiye awazi radiyosi xewiri: türkiye tashqi ishlar ministirliqi teripidin élan qilinghan bayanatta, enqerening, ezerbeyjan bilen türkmenistanning hazar déngizida gidrokarbon sahesini ortaq tetqiq qilish we tereqqiy qildurush meqsitide  «dostluq kélishimi» tüzgenlikidin tolimu xursen ikenliki eskertilish bilen bir waqitta, türkiyening, kélishimning ikki dölet otturisidiki dostluqning yenimu yüksek sewiyege yetküzülüshide türtkilik rol  oynishini ümid qilidighanliqi bildürüldi.

bayanatta, kélishimning, dost we qérindash türkmenistan bilen ezerbeyjan xelqliri üchün xeyrlik bolushigha, rayonning bayashatliqi we muqimliqigha hesse qoshushigha, hemde türkiye bilen yawropaning qalghan qismining énérgiye bixeterlikini kapalet astigha alghuzidighan layihelergimu yol échishigha tilekdashliq bildürüldi.

türkmenistanda «serdar», ezerbeyjanda bolsa «kepez» dep bilinidighan hazar déngizidiki bayliq menbelirining qaysi döletke ait ikenliki we qandaq ishlitilishi mesilisi, uzun yillardin buyan ikki dölet otturisida diplomatik kiriziske seweb boluwatatti.

hazar déngizida ezerbeyjan we türkmenistangha ait sahelerning del otturisigha jaylashqan sahening texminen 60 milyon tonna néfit zapisigha ige ikenliki texmin qilinmaqta.



مۇناسىۋەتلىك خەۋەرلەر