türkiye elqaide baza teshkilatigha eza bir italiyelikni dölitige tapshurdi

süriye we iraqta térrorluq teshkilati elqaidege chétishliq guruppilargha qatnashqan italiye puqrasi türkiye we italiye bixeterlik xadimlirining hemkarlishishi netijiside qolgha élinip, dölitige qayturuldi.

1568194
türkiye elqaide baza teshkilatigha eza bir italiyelikni dölitige tapshurdi

türkiye awazi radiyosi xewiri: italiyening «ANSA» agéntliqining xewiride, 24 yashliq bir italiye puqrasining 2014-yili ottura sherqqe barghanliqi, süriye we iraqta térrorluq teshkilati elqaidege chétishliq guruppilar bilen birlikte urush qilghanliqi we 2017-yili uning heqqide xelqaraliq tutush buyruqi chiqirilghanliqi bildürüldi.

xewerde, mekur italiyelikning türkiye we italiye  bixeterlik xadimlirining hemkarlishishi netijiside, süriyening idlib shehiride teqip qilinip, qolgha chüshüülgenliki uqturuldi.

gumandarning özini italiye dairilirige tapshurup bérishini telep qilghanliqi we hatayda italiyelik mesullarning uni tapshurup alghanliqi bildürüldi.

xewerde yene, qolgha élinghan italiyelikning hazir italiyede türmide ikenliki, türkiyelik ayali we üch balisining bolsa, türkiyede qalghanliqi qeyt qilindi.


خەتكۈچ: #elqaide , #türkiye

مۇناسىۋەتلىك خەۋەرلەر