chawushoghlu: türkiye - yawropa ittipaqi munasiwitide ijabiy keypiyatning yaritilghan bolushi muhim

mewlut chawushoghlu bélgyening paytexti biryussélda yawropa ittipaqi tashqi munasiwetler we xewpsizlik siyasetliri ali wekili josép borél bilen körüshti.

1568457
chawushoghlu: türkiye - yawropa ittipaqi munasiwitide ijabiy keypiyatning yaritilghan bolushi muhim

türkiye awazi radiyosi xewiri: dölitimiz (türkiye jumhuriyiti) tashqi ishlar ministiri mewlüt chawushoghlu, türkiye – yawropa ittipaqi munasiwetliride ijabiy atmosféra shekillendürüshning muhimliqini, buni sijilliqqa ige qilish üchün konkért qedemlerning tashlinishi lazimliqini éytti.

mewlut chawushoghlu bélgyening paytexti biryussélda yawropa ittipaqi tashqi munasiwetler we xewpsizlik siyasetliri ali wekili josép borél bilen körüshti.

wizini emeldin  qaldurush we tamozhna ittipaqi mesililiri muzakire qilinghan söhbettin kéyin ikki rehber qoshma muxbirlarni kütüwélish yighini ötküzdi.

borélning teklipige binaen biryussélgha kelgenlikini tilgha alghan chawushoghlu, bügün we etidiki orunlashturushlirining nahayiti zich ikenlikini bildürdi.

2020 – yilining yawropa ittipaqi – türkiye munasiwetliri nuqtisidin <mesililer yili> bolghanliqini eskertken chawushoghlu: «dékabirdiki bashliqlar yighini ijabiy muhit yaritish yolidiki berpachi bir özgirish boldi» dédi.

chawushoghlu, her ikki terepning pikir almashturushni eslige keltürüsh qarishini yaqlaydighanliqini tekitlep: «türkiye - yawropa munasiwitide ijabiy keypiyat yaritilghan bolushi muhim. uni sijillashturush üchün konkrét qedemlerni tashlash zörür. türkiye - yawropa ittipaqi munasiwiti rayonimizdiki saqliniwatqan mesililerni ortaq hel qilish jehettimu muhim rol oynaydu» dédi.

chawushoghlu yene ötküzülmekchi bolghan uchrishishlar toghrisida toxtilip: «bizning sherqiy aqdéngiz toghrisida nahayiti etrapliq bir yighin chaqirish teklipimiz bar idi, biz bu mesilini yene bir qétim muzakire qilimiz. yene bir tereptin, wizini emeldin qaldurushqa munasiwetlik qedem basquchlirimiz toghrisidimu sözlishimiz. biz bügün we etiki yighinlirimizda söhbetdashlirimizgha ümidlirimizni yetküzimiz. men bu yighinlarning hemmisining ijabiy ötüshini ümid qilimen» dégenlerni qeyt qildi.

borrél türkiye - girétsiye söhbetliri toghrisida toxtilip: «biz sherqiy aqdéngizdiki jiddiylikni peseytishni xalaymiz. biz her ikki tereptiki keypiyatining yaxshi kétiwatqanliqini körüwatimiz. türkiye bilen grétsiyening söhbetni eslige keltürüshi yaxshi qedem hésablinidu» dédi.



مۇناسىۋەتلىك خەۋەرلەر