һулуси акар билән йашар гүләр ирақта бир қатар учришишларни елип барди

ирақ пирезиденти бәрһәм салиһ рәсмий зийарәт үчүн ираққа йетип кәлгән түркийә дөләт мудапиә министири һулуси акар вә армийә иштаб башлиқи йашар гүләрни пирезидентлиқ сарийида күтүвалди.

1566432
һулуси акар билән йашар гүләр ирақта бир қатар учришишларни елип барди

түркийә авази радийоси хәвири: ирақ пирезидентлиқ мәһкимисиниң ахбарат ишханиси ирақ пирезиденти бәрһәм салиһниң түркийә дөләт мудапиә министири һулуси акар вә армийә иштаб башлиқи йашар гүләр билән көрүшкәнлики тоғрисида байанат елан қилди.

байанатта, көрүшүштә, барлиқ саһәләрдә һәмкарлиқ орнитиш вә «ирақниң һечкимгә һуҗум қилиш җайи болмаслиқи» керәкликиниң тәкитләнгәнлики қәйт қилинди.

байанатта билдүрүлишичә, түркийә дөләт мудапиә министири һулуси акар ирақниң земин пүтүнлүки вә муқимлиқиға һөрмәт қилидиғанлиқлирини билдүрүп, өзара һәмкарлишиш вә кординатсийәниң муһим әһмийитини әскәртти.

һулуси акар билән йашар гүләр ирақ пирезиденти бәрһәм салиһ билән көрүшүшини ахирлаштурғандин кейин, ирақ ички ишлар министирлиқиға барди. бу йәрдә акар вә гүләр, ирақ ички ишлар министири осман әли фәрһуд әл ганими тәрипидин мурасим билән күтүвелинди.

һулуси акар вә йашар гүләр ирақ ички ишлар министирлиқидики учришишлирини ахирлаштуруп, түркийәниң бағдадтики әлчиханисини зийарәт қилди вә арқидин әрбилгә қарап йүрүп кәтти.

һулуси акар вә йашар гүләр ирақ пирезиденти бәрһәм салиһ билән көрүшүштин бурун, баш министир мустафа әл казими рәсмий зийарәт үчүн бағдадқа кәлгән һөкүмәт бинасида қобул қилған иди.

ирақ баш министирлиқ ишханиси йазма байанат елан қилип, учришишта, икки дөләт оттурисидики ортақ мәсилиләр вә һәрбий һәмкарлиқларни күчәйтиш мәсилисиниң музакирә қилнғанлиқини билдүрди.

ирақ баш министири мустафа әл казими ирақтин түркийәгә қаритилған террорист һуҗумларни рәт қилғанлиқлирини вә армийәни күчәйтиш үчүн түркийәниң қоллишиға еһтийаҗлиқ икәнликлирини қәйт қилди.

байанатқа асасланғанда, түркийә дөләт мудапиә министири һулуси акар ирақ баш минстири мустафа әл казимиға хизмитидә мувәппәқийәтләр тиләп, түркийә армийәсиниң ирақ армийәсигә террорлуққа қарши туруш, тәлим-тәрбийә вә мәслиһәтчилик саһәлиридә йардәм беришкә тәййар икәнликини қәйт қилди.  



مۇناسىۋەتلىك خەۋەرلەر