chawushoghlu biryussélda yawropa rehberliri bilen körüshidu

türkiye tashqi ishlar ministiri mewlüt chawushoghlu 20-22-yanwar (2021) künliri arisida bélgiye paytexti biryussélni ziyaret qilidu.

1566809
chawushoghlu biryussélda yawropa rehberliri bilen körüshidu

türkiye awazi radiyosi xewiri: türkiye tashqi ishlar ministirliqi mewlüt chawushoghluning biryussélda bir qatar muhim uchrishishlarni ötküzidighanliqi toghrisida bayanat élan qildi.

bayanatta, mewlüt chawushoghluning biryussél ziyaritide, yawropa ittipaqi kéngishi, yawropa ittipaqi komitétining yuqiri derijilik emeldarliri we yawropa parlaméntining bezi ezaliri bilen körüshidighanliqi qeyt qilindi.

türkiye tashqi ishlar ministirliqining bu heqtiki bayanatida: «tashqi ishlar ministiri bélgiye muawin bash ministiri, tashqi ishlar ministiri, yawropa ishlirigha mesul tashqi soda wa fédératsiye medeniyet idarliri ministiri sofi wilmés (Sophie Wilmes), nato bash katipi stolténbérg qatarliqlar bilen körüshüp, ikki terep we köp tereplik munasiwetlerni muzakire qilidu» déyildi.

bayanatta yene mundaq déyildi:

«türkiye-yawropa ittipaqi munasiwetlirining barliq amilliri we türkiyening yawropa ittipaqigha ezaliq musapisi, rayonluq we xelqaraliq yéngi témilarning muzakire qilinishi pilan qilinghan biryussél uchrishishlirida, türkiye-yawropa ittipaqi munasiwetliride ijabiy küntertipler arqiliq ilgirilesh hasil qilishqa munasiwetlik ümidimiz otturigha qoyulidu» déyildi.



مۇناسىۋەتلىك خەۋەرلەر