türkiye hawa yolliri shirkiti engliyedin kélidighan ayropilan seperlirini toxtatti

türkiye hawa yolliri shirkiti engliyedin türkiyege qaritilghan ayropilan seperlirining toxtitilghanliqini uqturdi.

1556069
türkiye hawa yolliri shirkiti engliyedin kélidighan ayropilan seperlirini toxtatti

türkiye awazi radiyosi xewiri: türkiye hawa yolliri shirkiti teripidin bu heqte élan qilinghan yazma bayanatta, engliyedin türkiyege qaritilghan ayropilan seperlirining toxtitilghanliqi, türkiyedin engliye we engliyedin bashqa döletlerge tiranzit ayropilan seperlirining pilan boyiche dawamlishidighanliqi bildürüldi.

bayanatta, yoluchilarning bélet almashturush we bashqa telepliri üchün chaqiriq merkizi, bélet sétiwélish ishxanisi yaki sayahet ishliri agéntliqigha iltimas qilsa bolidighanliqi eskertildi.

sehiye ministiri fahrettin koja, tünügün élan qilghan bayanatida, engliyedin türkiyege kelgen 15 kishide «kowid – 19» yuqumining téximu téz tarqilidighan türining bayqalghanliqini, shuning bilen, engliyedin türkiyege ayropilan seperlirining waqitliq tamamen toxtitilghanliqini uqturghanidi.



مۇناسىۋەتلىك خەۋەرلەر