sulayman soylu yéngi yilni chégra rayonidiki eskerler bilen birge qarshi aldi

ichki ishlar ministiri sulayman soylu yéngi yilni tünügün wanning chatak nahiyesi bilen shirnakning beytushshébap nahiyesi otturisigha jaylashqan kato jirka rayonida turushluq belbuka qelekol bazisi qomandanliq merkizide qarshi aldi.

1555727
sulayman soylu yéngi yilni chégra rayonidiki eskerler bilen birge qarshi aldi

türkiye awazi radiyosi xewiri: ichki ishlar ministiri sulayman soylu jumhur reis rejep tayyip erdoghangha téléfon qilip, rayon heqqide melumat berdi.

andin erdoghan baza rayonida wezipe ötewatqan eskerlerge xitab qilip, «zhandarmilirimiz bolush süpitinglar bilen bu chégra boylirida bizge nisbeten her daim xatirjemlik menbesi bolup keldinglar. bu wejidin men barliq eskerlirimiz, serkerdilirimiz, bolupmu génirallirimiz we qomandanlirimni özüm, ailem we millitim namidin tebrikleymen. rebbim yardemchingizlar bolsun inshaallah» dédi.

jumhur reis erdoghan sözini dawamlashturup yene mundaq dédi:

«2020 - yilini tamamlap, 2021 – yilligha qedem qoyuwatqan peytte, inshallah téximu perqliq türkiyege aylanghan halda buni tebrikleymiz we kelgüsige téximu küchlük türkiye bolup ilgirileymiz. zhandarma bash qomandanimiz arif pasha we hemrahliqidiki sepdashlirini tebrikleymen. qomandanliqi astidiki pütün qérindashlirimning közlirige söyimen».

zhandarma bash qomandani général arif chetinmu: « wetinimiz we shanliq bayriqimiz üchün biz bu yerde teyyarmiz» dédi.

baza rayonida kéchini ötküzgen ministir sulayman soylu we uning hemrahliri yéngi yilning tunji nashtiliqini eskerler bilen bille qildi.

sulayman soylu özining ijtimaiy alaqe tori hésabida, «belbuka choqusi qelekol baza rayonidiki qehrimanlirimizning hemminglargha salami bar» dégen uchurni hembehirlidi.

sulayman soylu kéyin chaldiran rayonigha qarashliq tawshantepe bazisigha bérip,  tik uchar ayropilan arqiliq rayonda hawadin tekshürüsh élip bardi.



مۇناسىۋەتلىك خەۋەرلەر