aqar eliyéw teripidin qobul qilindi
dölet mudapie ministiri xulusi aqar, türkiye bash ishtab bashliqi général yashar güler we türkiye armiyelirining qomandanliri ezerbeyjan pirézidénti ilham eliyéw teripidin qobul qilindi.
türkiye awazi radiyosi xewiri: aqar, eliyéw teripidin qobul qilinishi jeryanida mundaq dédi: «tinchliq we muqimliq ornitish yolida ezerbeyjan bilen türkiyening ortaq heriket qilishi, birlik we barawerliki, mürini mürige térep küresh qilishi heqiqetenmu peqet bügün üchünla emes, kélechek üchünmu nahayiti zor ehmiyetke ige. xudayim buyrusa, aldimizdiki mezgildimu bu hemkarliqimiz yégane yürek, yégane bélek we yégane mush süpitide üzlüksiz dawamlishidu.»
qarabagh zepirining kawkaz rayonining tarixida nahayiti muhim orun tutidighanliqini eskertken aqar, mundaq dep körsetti: «bu zeperning tajlinishi üchün eng qisqa waqit ichide ortaq merkezning teshkil qilinishidin kéyinla nexchiwan we zengilan otturisidiki liniyening tesis qilinishi nahayiti zor ehmiyetke ige. qérindashlarning özara uchrishishining, türkiye, nexchiwan we ezerbeyjanning fizikiliq jehettinmu bir – biri bilen bir gewdilishishining nahayiti muhim ikenlikini diqqitinglargha sunimen.»
aqar, 30 yilliq ishghalgha xatime bérilishidin kéyin eliyéw rehberlikidiki ezerbeyjanning öz zéminlirigha salidighan sélinmilar arqiliq rayonning jezbidarliq merkizige aylinidighanliqigha chin dilidin ishidighanliqini eskertish bilen bir waqitta, türkiyening ezerbeyjangha qarita yardimi hem qollishining burunqigha oxshashla buningdin kéyinmu yenimu yüsek sewiyede dawamlishidighanliqini, bu dairide, herbiy manéwir we meshiqlerning izchil ishqa ashurulidighanliqini tekitlidi.
