«5A سۈنئىي ھەمراھىمىزنى سەيشەنبە كېچىسى ئالەم بوشلۇقىغا قويۇپ بېرىمىز»
قاتناش ۋە قۇرۇلۇش ئىشلىرى مىنىستىرى ئادىل قارائىسمائىلئوغلۇ دۈشەنبەنى سەيشەنبەگە تۇتاشتۇرىدىغان كېچىسى 5A سۈنئىي ھەمراھىنى ئالەم بوشلۇقىغا قويۇپ بېرىدىغانلىقلىرىنى ئېيتتى.
1554994
تۈركىيە ئاۋازى رادىيوسى خەۋىرى: قارائىسمائىلئوغلۇ، ئوردۇ ۋىلايىتىدە بۇ ھەقتە ئېلان قىلغان باياناتىدا، دۈشەنبەنى سەيشەنبەگە تۇتاشتۇرىدىغان كېچىنىڭ تۈركىيە ئۈچۈن ناھايىتى مۇھىملىقىنى تەكىتلەپ مۇنداق دېدى: «دۈشەنبەنى سەيشەنبەگە تۇتاشتۇرىدىغان كېچىسى 5A سۈنئىي ھەمراھىمىزنى ئالەم بوشلۇقىغا قويۇپ بېرىمىز. دۇنيا بويىچە يېگانە يەرلىك ۋە مىللىي 6A سۈنئىي ھەمراھىمىزنى ئالەم بوشلۇقىغا قويۇش بېرىش خىزمىتىمۇ داۋاملاشماقتا. ئۇنىمۇ 2020 – يىلىنىڭ دەسلەپكى ئايلىرىدا ئالەم بوشلۇقىغا قويۇپ بېرىشنى پىلانلاۋاتىمىز. ئۇنىڭ ئارقىلىق ئالەم بوشلۇقىدا قۇدرىتىمىزنى، مەۋجۇدىيىتىمىزنى پۈتكۈل جاھانغا ھېس قىلدۇرغان بولىمىز.»
