aqar bilen qomandanlar chégra liniyeside xizmetlerni közdin kechürdi

dölet mudapie ministiri xulusi aqarbash ishtab bashliqi général yashar güler we herqaysi armiyelerning qomandanliri bilen birlikte chégra liniyeside wezipe ötewatqan qisimlarni yoqlidi we xizmetlerni közdin kechürdi.

1554796
aqar bilen qomandanlar chégra liniyeside xizmetlerni közdin kechürdi

türkiye awazi radiyosi xewiri: dölet mudapie ministiri xulusi aqar bash ishtab bashliqi général yashar güler we herqaysi armiyelerning qomandanliri bilen birlikte shanliurfagha yétip bérip, herbiy heriket merkizide wezepe ötewatqan qisimlarni yoqlidi, hemde bu yerde chégra halqighan herbiy heriket rayonliri we chégra liniyesidiki paaliyetler heqqide uchur igilidi.

ministir aqar, bu yerde qilghan sözide, térrorizmgha qarshi küreshning eng axirqi térrorchi yoqitilghangha qeder üzlüksiz dawamlishidighanliqini tekitlep mundaq dédi: «xudayim buyrusa, eziz xelqimizni bu térrorizm balasidin qutquzimiz. bu heqte iradimiz qetiydur.»

u, térrorizmgha qarshi küreshte pidakarliq we xizmet körsetken barliq herbiy xadimlarni tebriklep, mundaq dédi: «hemminglarni chin dilimdin tebrikleymen, köptin köp rehmet éytimen. buningdin kéyinki wezipenglerdimu muweppeqiyet tileymen.»

aqar, musheqqetlik we hawa sharaiti nachar jaylarda wezepe ötewatqan barliq herbiy xadimlarning yéngi yilini tebriklidi.



مۇناسىۋەتلىك خەۋەرلەر