aqar 2020 - yili bir terep qilinghan térrorchi sanini élan qildi

türkiye jumhuriyiti dölet mudapie ministiri xulusi aqar 2020 – yili ichide türkiyening ichi – sirtida élip bérilghan térrorchilargha zerbe bérish heriketliri toghrisida melumat berdi.

1554514
aqar 2020 - yili bir terep qilinghan térrorchi sanini élan qildi

türkiye awazi radiyosi xewiri: türkiye jumhuriyiti dölet mudapie ministiri xulusi aqar, 2020 – yili ichide türkiyening ichi – sirtida élip bérilghan 200 din artuq zerbe bérish herikiti arqiliq bölgünchi térrorluq teshkilati p k k ning üch ming 664 térrorchisining bir terep qilinghanliqini bildürdi.

tünügün dölet mudapie ministiri xulusi aqarning riyasetchilikide armiye bash ishtab bashliqi général – polkownik yashar güler, her qaysi qisimlarning qomandanliri we muawin ministirlarning ishtirak qilishi bilen yilliq sin körünüshlük xulase yighini chaqirildi.

yighindiki sözi esnasida mudapie we bixeterlik mesililiri toghrisida toxtalghan aqar, mushu bir yildiki térrorizmgha qarshi küreshte qolgha keltürülgen muweppeqiyetlerni ishtirakchilar bilen ortaqlashti.

u: «bu bir yilda dölet ichi we sirtida bolup 200 din artuq zerbe bérish herikiti élip barduq. élip bérilghan muweppeqiyetlik heriketler netijiside dölet ichi we sirtida jemiy üch ming 646 térrorchi bir terep qilindi. bir terep qilinghan térrorchilarning arisida teshkilatning atalmish rehberlik qatlimidiki kattibashlirimu  bar. xulasiligende 2015- yili 7- ayning 24- künidiki térrorchilargha qarshi bashlanghan yéngi küresh musapisidin bügüngiche bolghan jeryanda bir terep qilinghan térrorchilar omumiy sani 30 ming 416 ge yetti» dégenlerni qeyt qildi.

mezkur zerbe bérish heriketliride térrorluq teshkilati paydiliniwatqan her xil orun, öngkür we panahlinish orunlirining bitchit qilip tashlanghanliqini bildürgen aqar: «dölet ichi we chégra sirtidiki térrorluq unsurlirining qanchilik öngküri we uwisi bolsa, bitchit qilip tashlandi we dawamliq bitchit qilinidu» dédi.


خەتكۈچ: #aqar , #p k k , #türkiye

مۇناسىۋەتلىك خەۋەرلەر